“Дэлхийн ур чадвар-2022” тэмцээн Европ, Хойд Америк, Зүүн Азийн 15 улсад 61 мэргэжлээр зохион байгуулагдаж байна. Тэмцээнд 58 улсын 1000 гаруй оролцогчид авьяас чадвараараа өрсөлдөж байгаа юм. Манай улсын тухайд токарь, гагнуур, өрөг угсралт, сантехник, тогооч, мужаан, цахилгаан угсралт зэрэг 7 төрөлд өрсөлдөж байна.
Дорнод Политехник коллежийн оролцогч Г.Очбаатар, эксперт багш Г.Оюунбатын хамт ХБНГУ-д 10 дугаар сарын 6-17-ны өдрүүдэд токарийн мэргэжлийн тэмцээнд оролцсон. Швейцар улсын Базел хотод 10 дугаар сарын 7-16-ны өдрүүдэд болсон мужааны тэмцээнд Завхан Политехник коллежийн оролцогч Г.Хатанбаатар, эксперт багш Б.Анхбаярын хамт оролцож, 800 онооноос 665 оноо авч тэмцээнээ өндөрлүүллээ.
Тогоочийн мэргэжлийн оролцогч С.Өсөх-Ирээдүй, эксперт багш С.Цэнд-Аюушийн нар Швейцар улсыг зорьсон. Тэд эдгээр өдрүүдэд тэмцээндээ оролцож байгаа юм.
Сантехникийн тэмцээн ХБНГУ-д удахгүй болох бол өрөг угсралт, цахилгаан угсралтын тэмцээн Австри улсад 11 дүгээр сард болно.
Америкийн Нэгдсэн Улсын Кливланд хотод болж буй Гагнуурын тэмцээний сүүлчийн өдөр бөгөөд Д.Амаржаргал оролцогч 4 цагийн даалгавар гүйцэтгэнэ. Эксперт багш С.Батсайхан Дэлхийн ур чадвар тэмцээнд 4 дэх удаагаа оролцож байгаа туршлагатай билээ.
“Дэлхийн ур чадвар-2022” тэмцээн есдүгээр сарын 7-ноос 11 дүгээр сарын 26-ныг хүртэл 12 долоо хоногийн турш үргэлжлэх юм.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
