ХЗДХ-ийн сайдын тушаалаар ажлын хэсэг гарч ШШГЕГ-ын санхүүгийн үйл ажиллагаа болон сахилга, ёсзүйтэй холбоотой асуудлаар хяналт шалгалт хийсэн байдаг. Эх сурвалжийн мэдээлж буйгаар ШШГЕГ-ын дарга Д.Загджавтай холбоотой ноцтой асуудал илэрсэн бөгөөд шалгалтын дүнг ХЗДХ-ийн сайд Х.Нямбаатар ихэд нууцалж буй бололтой.
ХЗДХЯ-ны Төрийн нарийн бичгийн дарга П.Сайнзоригийн өмнө мэдээлж байснаар шалгалтын дүн энэ сарын 25-нд гарсан бөгөөд ШШГЕГ-ын дарга Д.Загджавтай холбоотой хэргүүд баримтаар нотлогдвол Д.Загджавыг ажлаас чөлөөлөх эсэх асуудлыг шуурхай хэлэлцэнэ гэж байв.
Гэвч энэ асуудлыг Хуульзүй, дотоод хэргийн яам нууцалж, дарж байгаа нь сайд Х.Нямбаатартай холбоотой аж. Олон нийтэд ажлын хэсгийн шалгалтын дүнг мэдээлэхгүйгээр өмнө нь гарсан хэрэг, хоригдол оргосон гэх зэрэг үндэслэлээр ШШГЕГ-ын дарга Д.Загджавыг "ОГЦРУУЛАХ, ЧӨЛӨӨЛӨХ" асуудал яригдаж эхэлсэн гэж эх сурвалж мэдээллээ.
Ажлын хэсгийн хувьд ялын хэрэгжилт ямар түвшинд байгаа, албаны зохион байгуулалт, цэрэгжилттэй холбоотой цэргийн дүрэм хэрхэн зөрчигдсөн талаар, санхүүтэй холбоотой асуудлууд, цагдан хорих дээр 2 хүмүүжигч оргох оролдлого хийх явцдаа өндрөөс унаж бэртсэн хэрэг зэргийг шалгасан байна. Шалгалтаар нэг аймгийн ШШГГ-ын дарга нь албаны машинаар Алтанбулагийн чөлөөт бүсэд очиж, татваргүй барааны дэлгүүрээс их хэмээний архи тогтмол зөөж, өөрийн хамаарал бүхий аж ахуйн нэгжид худалдан борлуулахад унаагаа ашигладаг байсан нь тогтоогдсон байна.
Төр.мн
Like
2
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
