УИХ-ын Төсвийн зарлагын хяналтын дэд хорооны өнөөдрийн (2022.11.01) хуралдаан гишүүдийн 75 хувийн ирцтэй эхэлж, Монгол Улсын 2023 оны төсөв, Эрүүл мэнд, Нийгмийн даатгалын сангийн 2023 оны төсвийн тухай хуулийн төслийн хоёр дахь хэлэлцүүлгийг явуулав.
Төслийн талаарх танилцуулгыг Сангийн сайд Б.Жавхлан хийлээ. Тэрбээр "Олон улсын байгууллагууд дэлхийн эдийн засгийн хүнд сорилт, нөхцөл байдал 2024 он хүртэл үргэлжилнэ хэмээн төсөөлж буй энэ үед Монгол Улсын Засгийн газраас төлбөрийн тэнцлийн алдагдлыг бууруулах, гадаад валютын нөөцийг хамгаалахад чиглэсэн мөнгөний хатуу бодлого болон төсвийн хэмнэлтийн бодлогыг хэрэгжүүлэхийг зорьж буйгаа дурдсан.
Мөн “Шинэ сэргэлтийн бодлого”-ыг дэмжих төсвийн бодлого, арга хэмжээний үр дүнд эдийн засгийн өсөлт таван хувьд хүрч, инфляцыг жилийн эцэст 10 хувиас ихгүй түвшинд хүргэх боломж бүрдэнэ. Коронавируст халдварын хүндрэл эхэлснээс хойш үе шаттайгаар буурах байсан төсвийн алдагдлын тусгай шаардлагыг нэг удаа түдгэлзүүлж, хэрэгжих хугацааг ахин нэг жилээр хойшлуулсан. Үүний улмаас ирэх жилийн төсвийн алдагдал ДНБ-ий -3.6 хувь буюу 1.9 их наяд төгрөг байхаар байна. Харин Засгийн газрын 2023 оны төсвийн тохиргоо хийснээр төсвийн тэнцвэржүүлсэн тэнцэл -1.5 их наяд төгрөг буюу тусгай шаардлагын 2024 онд хүрэх байсан түвшин болох 2.8 хувийг нэг жилээр наашлуулан төсвийн төслийг боловсруулсан" хэмээн онцлов.
Like
0
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
