УИХ-ын чуулганы нэгдсэн хуралдаан яг одоо болж байна. Сүүлийн хэд хоног УИХ-ын гишүүн Ц.Даваасүрэн Сангийн сайд Б.Жавхлан руу ихэд дайрч, огцрох асуудлыг хөндөж “чичирч” буй. Тэгвэл ингэж улайрч дайрах нь ч УЧИРТАЙ байж.
Сангийн сайд Б.Жавхлан мэдээлэлдээ “Ц.Даваасүрэн гишүүн сүүлийн үед ихэд доромжиллоо, их л гүтгэлээ. Зөндөө тэвчлээ. Ц.Даваасүрэн гишүүн олон удаа парламентад суусан, туршлагатай, сайн үлгэр үзүүлэх ёстой гишүүдийн нэг гэж би боддог. Харамсалтай нь энэ парламентыг яаж ”өөрийнхөө улс төрдөө” ашиглаж болдгийг яруу тодоор харуулж, нэлээн туршлага нь цөмөрснийг харуулж байна.
Ц.Даваасүрэн гишүүн “шударга үнэний тууль” ийм дүрд гүйдэг. Гэвч цаанаа бодит үйлдэл нь ямар байгааг мэдэж байгаа хүний хувьд хэлэхэд үнэхээр харамсалтай зүйл болж байна.
Сүүлийн үед болж байгаа ганц нэг зүйлийг хэлэхээс өөр арга алга. Ц.Даваасүрэн гишүүн 2019-2020 онд Хөвсгөл аймгийн Мөрөн сумын засаг даргаар ажиллаж байсан улс төр судлаач Ц.Гансүх гэх залууг “Дарханы арьс ширний цогцолбор бүтээн байгуулалт” ТӨҮГ-ын захирлаар томилуулсан. Одоо тэнд юу болж байна вэ? Тэр үйлдвэр 10 сая ширхэг арьс шир боловсруулдаг байсан бол одоо 4.4 сая ширхэг арьс боловсруулдаг болж буурч, хөрөнгө оруулалт нь нэмэгдсэн.
Хуучин ТЭЗҮ-гээр зөвхөн тоног төхөөрөмж нь 30 сая ам.доллар, барилга байгууламж, бүтээн байгуулалт нь ороод 60 сая ам.долларын ТЭЗҮ байсан. Одоо 160 сая евро болж нэмэгдсэн.
Ц.Даваасүрэн эрчим хүчний хүн. Гэтэл гэнэт арьс ширний хүн болоод гадаад дотоод яваад арьс ширний үйлдвэрт сэлфидээд гүйгээд байсан. Одоо 160 сая евро-гийн 130 сая евро дээр Засгийн газрын баталгаа гаргах хүсэл ирүүлсэн байгаа. Засгийн газар ямар ч боломжгүй. Ийм хуультай. эрсдэлтэй байна. ТЭЗҮ хэт зөрүүтэй байна гэсэн хариуг өгч байна.
Таны яриад байгаа шударга үнэн байдал чинь энэ үү? энэ бол зөвхөн нэг хэсэг нь ... Энэ бүгдийг Ц.Даваасүрэн гишүүн та хийж байгаа" гэв.
Энэ үед УИХ-ын гишүүн Ц.Даваасүрэн ихэд уурлаж бухимдав. Түүнчлэн УИХ-ын гишүүн Б.Пүрэвдорж гишүүн нэгдсэн хуралдааны үеэр Эрх барьж байгаа нам дотроо асуудлаа шийд. Энэ Ц.Даваасүрэнг Төсвийн байнгын хорооны дарга болгочихгүй яасан юм. Сайд болгочихгүй, Тэгээд одоо гомхороод хэл ам хийгээд байх юм гэж хэлтэл Ц.Даваасүрэн уурлаж “хэрэлдэв”.
Ц.Даваасүрэн: Чи юу хуцаад байгаа юм
Б.Пүрэвдорж: Чам шиг 10 хувь за ... хэмээн хэрэлдэв. Ийнхүү улс төрд “10 хувийн” гэх хочтой Ц.Даваасүрэн гишүүн өнөөдөр ихэд ууртай байна.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
