Мал амьтны гаралтай түүхий эд, бүтээгдэхүүнийг экспортлоход тулгарч буй асуудал, гарц шийдлийн талаар хэлэлцлээ.
Энэ үеэр Мал эмнэлгийн ерөнхий газрын дарга Д.Батчулуун "Энэ сард багтаан мах экспортлогч байгууллагын хүсэлтийг цахимаар авахаар бэлтгэл ажлыг хангаж байна. Ингэснээр компаниуд байгууллага дээр ирж цаг хугацаа алдах, бичиг цаасны давхардал арилна. Мал эмнэлгийн олон улсын гэрчилгээ, холбогдох бичиг баримтуудыг онлайнаар мах экспортлогч аж ахуйн нэгжүүдэд хүргэх ажлыг зохион байгуулна. Төрийн байгууллагууд хоорондоо гарч байгаа зөвшөөрөл бичиг баримтыг заавал аж ахуйн нэгжээс биечилж авахаас илүүтэй нэг цонхны бодлогоор шууд нэг платформ шийддэг байхаар ажиллаж байна. Зөвхөн хүсэлтээ өгөөд гааль дээр очиж бичиг баримтаа бүрдүүлээд гадаад руу гарах боломжийг нэмэгдүүлэхээр ажиллаж байна.
Өнөөдрийн байдлаар мах экспортлох хүсэлтээ өгч буй 96 компани байгаа. Энэ оны наймдугаар сарын 1-нээс хойш мал эмнэлэг 1900 орчим экспортын олон улсын гэрчилгээ олгосон.
Мөн мал амьтны гаралтай түүхий эд, бүтээгдэхүүнийг 24 улсад экспортолж байна. Цаашид Азийн орнууд болох Вьетнам, Малайз, Тайланд улстай мал эмнэлгийн олон улсын гэрчилгээ тохирох ажил хийгдэж байна. Вьетнамаас мал эмнэлгийн экспертүүд нь ирээд сайн үнэлгээ өгсөн. Гэрчилгээгээ эцэслэн тохироод албажуулбал манай улсаас гүн хөлдөөсөн хонь, ямааны мах экспортлох боломж бий болно. Кувейт улс руу малын гаралтай түүхий эд, бүтээгдэхүүн ялангуяа халал аргаар бэлтгэсэн хонь, ямааны мах экспортлох боломж нээгдсэн. Хэлэлцээр амжилттай болсон. Израиль улсаас мах авах хүсэлтээ ирүүлээд байна" гэлээ.
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
