Монгол улсын ерөнхийлөгчийн сонгууль эхэлж намууд СЕХ-нд материалаа хүргүүлж, нэр дэвшигчдийг бүртгэж эхэллээ. Энэ үед АН намынхаа доторх харгалдаан, маргааныг улс төржүүлж, өлсгөлөн зарлахдаа тулав. Тэгвэл Ардчилсан намын илэрхийлээд буй МАН Сонгуулийн ерөнхий хороонд нөлөөлж буй гэх асуудлаар МАН-ын Ерөнхий нарийн бичгийн дарга Д.Амарбаясгалан тайлбар хэллээ.
Тэрээр “ Өөрийн бурууд бүдэрвэл хүний зөвд уйлдаггүй гэдэг үг байдаг. Эхлээд нам дотроо эв нэгдлээ хангаж, дотоод асуудлаа шийдэж Монгол улсын үндсэн хууль, Ерөнхийлөгчийн сонгуулийн хууль бусад дагаж мөрдөгдөх хуулиудыг чанд мөрдөж сурах зайлшгүй шаардлагатай гэж харж байна.
Өнөөдөр Н.Алтанхуяг гуай тэргүүтэй хүмүүсийг би хар багаасаа л мэднэ. 30 жил улс төрд явлаа. Яагаад төлөвшдөггүй юм бэ гэж бодоход хүргэж байна. Монгол улс хөгжмөөр байна. Монголын ард түмэн баян чинээлэг амьдрах хүсэл эрмэлзэл байна. Энэ бүхний саад тушаа болж 30 жил явж ирчхээд өнөөдөр бас л ярьдаг шударга ёс ярьчихсан явж байна.
Н.Алтанхуяг Ерөнхий сайд байхаараа шударга байдаг, биш болохоороо шударга бус болдог гэдэг ойлголт байж болохгүй. Би л дарга байвал бусад нь хамаагүй. Би дарга биш бол бусад нь бүгд шударга бус гэж ярьж байгаа үйлдэл нь тааламжгүй байна гэж залуу хүний хувьд үзэж байна. Энэ үйлдлийг таслан зогсоох ёстой. Хүн дарга болохын тулд, эсвэл улс төрийн намууд хоорондоо дотроо ойлголцоогүйн тулд Монголын ард түмэн, Монголын төр зовж зүдэрдэг байж болохгүй.
Өнөөдөр ковидоос эхлээд олон асуудал дээр зовлон ярьж болно. Хэн нэгэн дарга болоогүйн төлөө зовж зүдэрч байна гэж ярьж болохгүй гэдгийг шууд хэлэх нь зүйтэй. МАН өчигдөр нэр дэвшигчээ бүртгүүлээд нэг зүйлийг тодорхой хэлсэн. Монгол улсын Ерөнхийлөгчийн сонгууль ард түмний нүдэн дээр ил тод, будлиангүй, шударга явагдаасай гэсэндээ хүсэлт тавьж тэрний төлөө намын зүгээс шаардлагатай зүйлээр хандана гэж хэлсэн. Монгол төрийн сонгууль тэр дундаа төрийн тэргүүнээ сонгох сонгууль маргаангүй явах нь чухал. Монгол улсын ерөнхийлөгчийн сонгууль болохоор хамгийн муу хүмүүс өрсөлдөж нэг муу нь сонгогддог гэсэн ойлголтоосоо салах ёстой. Улс төрийн намууд энэ соёлгүй байдлаа таслан зогсоох ёстой. Төрөө дээдэлдэг ард түмэн төрийн тэргүүнээ сонгох сонгуульд илүү сайхан сэтгэгдэлтэйгээр сонгуульдаа ордог байх ёстой. Энэний төлөө МАН хичээн ажиллах болно” гэлээ.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
