Өнөөдөр нийслэлийн нийтийн тээвэрт 17 аж ахуй нэгжийн 900 гаруй тээврийн хэрэгсэл 90 гаруй чиглэлд үйлчилж байна. Үүнээс ашиглалтын хугацаа хэтэрсэн 532 автобус байгаа аж.
Тодруулбал, цар тахлын улмаас хил гааль саатаж, парк шинэчлэлийн автобус ирэх хугацаа хоцорсон. Тиймээс 532 автобусыг хүчээр шугаманд явуулж буй.
Учир нь эдгээр автобуснуудыг зогсоовол нийтийн тээвэр хаанаа ч хүрэхгүй. Сүүлийн үед сар бүр автобус шатсан, замын хажуу руу орсон гэх осол бүртгэгдэх болсон. Энэ нь ашиглалтын хугацаатай салшгүй холбоотой юм. Энэ оны нийслэлийн төсөвт парк шинэчлэлийн хүрээнд 77.3 тэрбум төгрөг суулгасан байдаг. Үүгээр сургуулийн 25, хоёр давхар 10, цахилгаан болон Евро-5 хөдөлгүүртэй 65 автобус худалдан авах ёстой. Гэвч "Хил гаалийн асуудалтай холбоотойгоор бүрэн орж ирээгүй. Энэ ондоо багтаан оруулж ирнэ" гэж Нийслэлийн Засаг даргын Хэвлэлийн төлөөлөгч Н.Сугар хэлж байлаа.
Тэгвэл өнгөрсөн баасан гарагаас үүссэн нэг асуудал нь нийтийн тээвэрт ашиглагддаг зарим автобусны ГАЗ тасарсан явдал. Тодруулбал, "Тэнүүн-Огоо", "Трансбус", "Автотерминал трейд", "G-BUS" компанийн 30 гаруй автобус газ тасарсны улмаас үйлчилгээнд гарах боломжгүй болжээ. Жолооч нарын ярьж буйгаар "Газаа БНСУ-аас татдаг болохоор үе үе тасардаг. Энэ үед гаралт ихтэй чиглэлийн автобусаар нөхөлт хийж явдаг" гэв.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
