Урлагийнхны дунд донжтой, хэмнэлтэй дуугаараа алдаршиж, үзэгч сонсогчдыг өөрийн эрхгүй бүжиглүүлчихдэг “Испани Баяраа” хочит дуучин О.Баяржаргал ээлжит нэгэн шинэ уран бүтээлээ гаргажээ.
Жаргал, зовлон ээлжлэн үргэлжилдэг амьдралд хэлж ирдэггүй хийсэж ирэх хүнд өвчнийг хайрын хүчээр, ханийн ерөөлөөр, хайртынхаа халамжаар даван туулж, эрүүл саруул болсон олон жишээ бий.
Төгөлдөр хуурч Б.Чинбат, УИХ-ын гишүүн Н.Учрал нар хүндээр өвдөх тэр үед үргэлжид хажууд нь хайрт гэргий нар нь байж халамжилж, хайрлаж хөл дээр нь босгосон нь үгүйсгэх аргагүй үнэн. Тэгвэл УИХ-ын гишүүн Н.Учрал хайрт гэргий Сэлэнгийн төрсөн өдөрт зориулж УЧИРСАН ЗҮРХНЭЭС шүлэг тэрлэсэнд дуучин О.Баяржаргал аялгуу хөглөж нэгэн сайхан дуу мэндэллээ.
Испани хэлээр өөрийн төрөлх хэл мэт дуулдаг, латин америк, пламинго стилиэр дагнан уран бүтээлээ туурвидаг дуучин О.Баяржаргал УЧИРСАН ЗҮРХНЭЭС дууг латино стилиэр аялгуу хийж дуулжээ.
Нэг жилийн өмнөх гэргийнхээ төрсөн өдрөөр дээрх шүлгийг тэрлэж байхдаа Н.Учралын бие тэнхэрч, ажилдаа эргэн орж байсан үе аж. Ингээд түүний ханьдаа зориулан бичсэн шүлэгт тансаг хэмнэлтэй, эрхэмсэг, донжтой байдлыг аялгуугаар хөглөсөн шинэ уран бүтээлийг хүлээн авч сонсоно уу?
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
