Дархан хот дахь "Оюуны ирээдүй" цогцолбор сургуульд хурц үнэртэй хий цацагдаж, багш, сурагчид, сургуулийн ажилтнууд эмнэлэгт хүргэгдсэн талаар бид мэдээлсэн.
Тэгвэл ЦЕГ-аас "Хүүхдүүд цайны газарт газ шидсэн" гэх мэдээллийг өгч байна.
Тодруулбал, "Дархан-Уул аймаг, Дархан сум дахь сургуулийн А байранд газ алдсан юм шиг байна" гэсэн мэдээллийг өнөөдөр /2022.11.08/ 11:05 цагт цагдаагийн байгууллага хүлээн авч шалгалтын ажиллагааг явуулсан. Ингэхэд, тус сургуулийн 12 дугаар ангийн сурагч эрэгтэй “С, эмэгтэй “Э” нар нь БНХАУ-д үйлдвэрлэсэн байж болзошгүй хаяг шошготой харуул хамгаалалтын зориулалт бүхий НУЛИМС АСГАРУУЛАГЧ-ийг их завсарлагааны үеэр цайны газрын коридорт цацсан байдал нь камерийн бичлэг болон эд мөрийн баримтыг хогийн саванд хаяснаа өөрсдөө зааж өгсөн байдлаар тогтоогдсон" гэлээ.
Хийн хордлогын улмаас нийт 31 хүүхэд, 6 том хүн эмнэлэгт хүргэгдсэн бөгөөд хоёр том хүн эрчимт эмчилгээний тасагт эмчлүүлж байна. Нэг нь ухаан балартан ярьж чадахгүй байдалтай, нөгөө нь мөч татаж, толгой хүчтэй өвдөөд байна гэсэн байдалтай. 31 хүүхдэд эмчилгээ хийж байгааг ЭМЯ-наас мэдээлсэн.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
