Та, бид хүүхдүүддээ зөв үлгэр дуурайлал болж чаддаг уу. Хүүхдүүд гэмт хэрэгт холбогдсоор байх уу?
Кэйс-1: Цагдаагийн байгууллагад энэ сарын 03-ны 17:00 цагийн орчимд “Үл таних хүмүүст хүүхэд зодуулж, ар нуруу хэсгээс нь цус гараад байна” гэх дуудлага мэдээлэл бүртгэгдсэн. Шалгалтын ажиллагааг зохион байгуулахад 13 настай, эрэгтэй “Т” нь бусдад зодуулж, ар нуруу болон хавирга орчимд зүсэгдсэн шархтай байсан тул гэмт хэрэг үйлдсэн этгээдийг хэн болохыг олж тогтоох чиглэлээр эрэн сурвалжилсан.
Улмаар Ерөнхий боловсролын сургуулийн VIII ангийн 12-14 насны 4 сурагч үйлдсэн болохыг тогтоожээ. Шалгалтын явцад урьдчилсан байдлаар хохирогч “Т”-г цүнх авлаа гэх шалтгаанаар 13 настай, эрэгтэй “Д” нь дал болон хавирганы орчим 2 удаа хутгалж биед нь гэмтэл учруулсан байжээ. Дээрх хэргийг Чингэлтэй дүүрэг дэх цагдаагийн хэлтэст шалгаж байгаа юм.
Кэйс-2: Энэ сарын 8-нд Дархан-Уул аймгийн “Оюуны ирээдүй” цогцолбор сургуульд ГАЗ цацагдаж, сурагчид болон бусад ажилчид эмнэлэгт хүргэгдсэн. Тодруулбал, "Дархан-Уул аймаг, Дархан сум дахь сургуулийн А байранд газ алдсан юм шиг байна" гэсэн мэдээллийг өнөөдөр /2022.11.08/ 11:05 цагт цагдаагийн байгууллага хүлээн авч шалгалтын ажиллагааг явуулсан. Ингэхэд, тус сургуулийн 12 дугаар ангийн сурагч эрэгтэй “С, эмэгтэй “Э” нар нь БНХАУ-д үйлдвэрлэсэн байж болзошгүй хаяг шошготой харуул хамгаалалтын зориулалт бүхий НУЛИМС АСГАРУУЛАГЧ-ийг их завсарлагааны үеэр цайны газрын коридорт цацсан байдал нь камерийн бичлэг болон эд мөрийн баримтыг хогийн саванд хаяснаа өөрсдөө зааж өгсөн байдлаар тогтоогдсон" гэж мэдээлсэн юм.
Хоёрхон жишээг дурдахад л ийм байна. Та хүүхдээ хэнтэй нөхөрлөж, хаана юу ашиглаж буйг нэг хянаарай!!!
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
