Энэ өвлийг нийслэлчүүдийн цахилгааны хэрэглээ дээд цэгтээ хүрч “ГАЛ АЛДАХ” эрсдэл үүссэн. Эрчим хүчний сайд Б.Чойжилсүрэн “АРГАЛНА ДАА” хэмээж, олны эгдүүцлийг хүргээд авсан.
Орон сууц болон өндөр барилгууд нэмэгдэхийн хэрээр цахилгаан, дулааны хэрэглээ нэмэгдэх нь гарцаагүй. ТАВДУГААР цахилгаан станц баригдах асуудал яригдаад 10-аад жилийг ардаа орхисон.
Станцын концесс олгох шалгаруулалтыг 2011 оны есдүгээр сард зарлаж, 2014 онд “Концессийн гэрээ”-г баталсан байдаг. Тухайн үеийн Эрчим хүчинй сайд М.Сономпил “Энэ ондоо багтаж, барилгын ажил эхэлнэ” гэж мэдээлж байжээ. Хэрвээ яг хугацаандаа ажил эхэлсэн бол монголчууд, тэр дундаа нийслэлчүүд “АЙХ АЮУЛГҮЙ” өвөлжих байлаа.
Нийслэлийн Прокурорын газраас Эрчим хүчний сайд асан М.Сономпилийг Эрүүгийн хуулийн тусгай ангийн 263 дугаар зүйлийн 263.2-т заасан “...албан тушаалын эрх мэдлийг урвуулан ашиглаж албаны эрх ашгийн эсрэг хийх ёсгүй үйлдлийг хийж Монгол Улсын эрх ашиг, сонирхолд онц их хэмжээний хохирол учруулсан” гэмт хэрэгт холбогдуулан 4 жилийн хорих ял оноож, 266 сая төгрөгийг улсын орлого болгожээ.
Тэгвэл 2019 оны нэгдүгээр сард тухайн үеийн Эрчим хүчний сайд Ц.Даваасүрэнгийн өгсөн яриаг сийрүүлье. Тэрбээр “Консерциум задарсан учраас V цахилгаан станцыг барих боломжгүй байдал үүссэн. Тиймээс одоо байгаа станцуудынхаа хүчин чадлыг нэмэгдүүлнэ. Тухайлбал, II цахилгаан станцыг 350мВТ-ын хүчин чадалтай болгож өргөтгөхөөр ТЭЗҮ-г бэлэн болгосон. Эрчим хүчний шөнийн тарифын хөнгөлөлт 2019-2020 онд үргэлжилнэ” гэж байв.
Харин “АРГАЛДАГ” сайд Б.Чойжилсүрэн Засгийн газарт санал оруулж, энэ сарын 1-нээс ААН-үүдийн цахилгааны үнийг 14-28 хувиар нэмсэн.
Үе үеийн Засгийн газрынхан өөрсдийнхөө будлианаар үүссэн алдагдлыг иргэд, ААН-үүдийн халаасаар нөхсөөр байх уу?
Like
2
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
