МҮХАҮТ-аас Монголд ирсэн ОХУ-ын жуулчдад тулгарч буй бэрхшээл, дэмжлэг тодруулах нэртэй судалгааг жуулчдын нөхцөл байдал, Монгол Улсад оруулж буй эдийн засгийн хувь нэмрийг тодорхойлох, зорилгоор хийжээ.
Ингэхдээ өнгөрсөн сарын 10-25-ны хооронд цахим болон ярилцлагын хэлбэрээр, манай улсад ирсэн ОХУ-ын 426 жуулчныг хамруулсан аж.
Судалгаанд оролцогчдын
28.8 хувь нь аялал жуулчлалаар,
21.2 хувь нь Орос Украины мөргөлдөөнд оролцохоос татгалзан дүрвэсэн,
18.3 хувь нь ажил хийх,
12 хувь нь суралцах зорилгоор ирсэн гэжээ.
Мөн тэдний 34.8 хувь нь англи хэлээр ярьдаг, ойлгодог, 42.1 хувь нь монгол хэлийг ямар нэг хэмжээнд мэддэг бол 24 хувь нь монгол хэл мэдэхгүй байна.
Түүнчлэн судалгаанд оролцогчдын дийлэнх нь буюу 97.9 хувь нь Улаанбаатар хотод байрлаж байгаа ба 40.2 хувь нь түрээсийн байранд, 39.8 хувь нь зочид буудалд, 15.5 хувь нь найз нөхөд, гэр бүлийнхээ гэрт амьдарч байгаагаа хэлжээ. ОХУ-ын иргэд Монголд байх хугацаанд нэг өдөрт дунджаар 161.6 мянган төгрөгийн зардал гаргаж байна.
Зардлыг нэр төрлөөр ангилан авч үзвэл нэг өдөрт байрлаж буй байрны түрээс болон зочид буудлын төлбөрт дунджаар 55.8 мянган төгрөг, хоолны зардалд дунджаар 39 мянган төгрөг, тээвэрт 12 орчим мянган төгрөгийг зарцуулж байгаа гэж дүгнэсэн байна.
Түүнчлэн, орон сууц түрээсийн төлбөр өндөр ба найдвартай түрээслэх байр олох, оршин суух зөвшөөрөл авах, виз сунгах нь хамгийн гол хүндрэлүүд гэжээ.
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
