Өчигдөр /2022.11.14/ орой цахим сүлжээнд “60 сая”-ын сарнай “ОД” болсон. Тодруулбал, “Альфард” группын автомашинуудыг түрээслэн 60 сая төгрөгийн үнэтэй ГОЁМСОГ баглаа бүхий сарнайг нэгэн залуу хайртай бүсгүйдээ хүргүүлсэн байдаг.
Тэгвэл цахим орчинд иргэд уламжлалт зангаараа талцаж байна. Нэг хэсэг нь “Яахав дээ, хайртай бүсгүйдээ романтик орчин бүрдүүлдэг мундаг залуу байна” гэсэн бол нөгөө хэсэг нь “Хоногийн хоолгүй айл өрх олон байхад тэд нарт мөнгөө өгөөч”, “Цэцэг хэд хоноод л үхнэ шүү дээ, хайран мөнгө”, “ЛУЙВАРЧИД ард түмний мөнгөөр “ШОУ”-даж байна” гэх мэт сэтгэгдлүүд хөвөрч байна.
Шулуухан хүүрнэхэд, хэнд ч бусдын амьдралыг зааж, мөнгөө хэрхэн зарцуулахыг шаардах эрх байхгүй. Хандив гуйсан, ядарсан болгонд туслах ч албагүй. Сэтгэл гэдэг гуйлгахгүй гардаг зүйл учраас туслахаа хүрвэл хэнээр ч хэлүүлэхгүй тусална. Мөн баян бүхэн л “МӨНГӨ ИДДЭГ” гэх хэвшмэл ойлголтоо орхих цаг хэдийнэ болсон. Баячууд дунд бор зүрхээрээ ч хөрөнгөтэй болсон хүмүүс бий гэдгийг ойлгох хэрэгтэй. Бидэнд санхүүгийн сахилга бат, боловсрол чухал.
Төгсгөлд нь, монголчууд цахим сүлжээг соёлтой ашиглаж, “ЦЕНЗУР” тогтоохгүй бол бусдын гэр бүл дэх аз жаргалтай мөчийг ч шүүмжилж, доромжилдог боллоо.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
