"Төсвийн хөрөнгөөр хийгдэх бүтээн байгуулалтыг дахин давтагдахгүй "КОД"-оор хянана"

Админ

2022-11-15

УИХ-ын дарга Г.Занданшатар, Төсвийн байнгын хорооны дарга Г.Тэмүүлэн, Сангийн сайд Б.Жавхлан, ЗГХЭГ-ын дарга Д.Амарбаясгалан Монгол Улсын 2023 оны Төсвийн тухай хууль болон бусад асуудлаар мэдээлсэн юм.

Энэ үеэр Г.Тэмүүлэн "2023 оны төсвийн тухай 99 хууль, зургаан тогтоолыг баталсан. Эдгээр нь ирэх оны нэгдүгээр сарын 1-нээс хэрэгжих юм. Төсөв батлагдсантай холбогдуулан ирэх онд нийгэм, эдийн засгийн тодорхойгүй байдлууд үргэлжилнэ. Тэвчиж болох зардлуудыг танаж, төсвийн тэнцлийг сайжруулах бодлого баримталсан. Танасан зардлаар эрчим хүчний тарифын хөнгөлөлт болон "Хүүхэд хамгаалал, эрүүл мэнд" үндэсний хэмжээний хөтөлбөрүүдийн санхүүжилтийг шийдвэрлэсэн.

Төсвийн хуулийг дагалдаж гарсан тогтоолуудад:

Төрийн өмчит компаниудын ил тод байдалд анхаарч, мэдээллийг цахимжуулах, нэгдсэн системд бүртгэж, нэгдүгээр сарын 1-нд мэдээллүүдээ мэдүүлдэг болоход анхаарна.
Нүүрсний тодорхой бус гэрээ, экспортын далд байдлыг өөрчлөх талаар УИХ-д танилцуулах үүрэг өгсөн.
Ирэх жилээс төсөвт тусгагдсан хөрөнгө оруулалт, бүтээн байгуулалтуудад дахин давтагдахгүй код өгч хяналтын системтэй уялдуулна. Өөрөөр хэлбэл, барилга баригдахаас ашиглалтад орох хүртэл хянадаг болно" гэлээ.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

"Төсвийн хөрөнгөөр хийгдэх бүтээн байгуулалтыг дахин давтагдахгүй "КОД"-оор хянана"

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд