МАН дотроо ХАГАРЧ Д.Амарбаясгалан тун удахгүй дараагийн ерөнхий сайд болно гэх БОР ШУВУУ нисэж, намын зарим нөхөд энэ талаар ярих болов. Тэгвэл ЗГХЭГ-ын дарга Д.Амарбаясгалан энэ тухай байр сууриа илэрхийллээ.
Д.Амарбаясгалан: Монгол ардын нам дотор хагарал бий болжээ. Д.Амарбаясгалан, Л.Оюун-Эрдэнэ хоёр хоорондоо хагаралджээ. Л.Оюун-Эрдэнийг Ерөнхий сайдаас унагааж Д.Амарбаясгалан Ерөнхий сайд болох нь гэсэн яриаг зориуд зохион байгуулалттай хийж байна. Гэхдээ би ийм зүйлийг хийж байгаа өнцөг чиглэлийг Ардчилсан намын дотоодод учраа олж чадаагүй эрх мэдэлдээ улайрсан хүмүүсийн хийж байгаа явдал гэж харж байна.
Ардын намыг эв нэгдэлгүй болгож төрийн ажил ялангуяа Засгийн газрын түвшинд ажил хэвийн тогтвортой явах нөхцөлийг алдагдуулснаараа сөрөг хүчнийг төлөөлөх гэж хичээж байгаа зарим хүний хүсэл хангагддаг юм болов уу гэж бодож байна.
Засаг төр тогтвортой байж өнөөдрийнхөө эдийн засгийн нөхцөл байдал, дэлхийн эдийн засгийн хямралаас үүдэлтэй улс оронд дарамтыг амь нэгтэй байж даван туулах нь бидний зорилго. Бид албан тушаал эрх мэдлийн төлөө тэмцэлдэж нэг нь Ерөнхий сайдаас буух нөгөөх нь Ерөнхий сайд болохын төлөө явах тийм үе биш. Монгол ардын нам бол эв нэгдлээрээ бусад аль ч улс төрийн намд үлгэр дуурайлал болохоор эв нэгдэлтэй нам. Манай намын дарга Л.Оюун-Эрдэнэ болон миний зүгээс хоорондоо эрх мэдэл албан тушаалын төлөө хагаралдан тэмцэлдэх ямар ч учир шалтгаан байхгүй. Энэ нам хоёр дараалж Засгийн эрх барьж байгаа үүрэг хариуцлагаа ард түмнээс өгсөн томоохон үүрэг даалгавар гэдгээ гүнээ ухамсарлаж, хичээн зүтгэх ёстой” гэлээ.
Төр.мн
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
