Үндэсний их баяр наадмыг тогтсон хугацаанд зохион байгуулагдахаар хуульчлагдсан байдаг. Энэ жил ковидтой холбоотой цахим байдлаар үзэгчгүйгээр Хүй долоон худагт зохион байгуулахаар Засгийн газраас шийдвэрлэсэн.
Энэ жил Ардын хувьсгалын 100 жилийн ой тохиож байгаатай холбоотойгоор өнгөрсөн жилийн наймдугаар сараас эхлэн 100 жилийн ойг тэмдэглэн өнгөрүүлэх 45 арга хэмжээг зохион байгуулахаар төлөвлөн, бэлтгэл ажлыг хийж эхэлжээ.
Үүний нийт зардал нь 10 тэрбум төгрөгөөр байхаар баталсан байна. Харин олон нийт уг мөнгө нь зөвхөн Үндэсний их баяр наадмын төсөв мэтээр буруу ойлголт үүсснийг Соёлын дэд сайд М.Батбаяр өнөөдөр мэдээллээ.
Ардын хувьсгалын 100 жилийн ойг тэмдэглэхэд зарцуулах хөрөнгөөс хэмнэлт хийж, эрүүл мэндийн салбар болон ковидтой тэмцэхэд зарцуулах шийдвэрийг Засгийн газраас гаргасан. Одоо УИХ-аар төсвийн зарцуулалтыг шилжүүлэх асуудлыг хэлэлцэж шийдвэрлэх аж.
Нийгэмд яригдаад байгаа 10 тэрбум төгрөг нь Үндэсний их баяр наадам тэмдэглэхтэй огт холбоогүй, тусдаа арга хэмжээ гэдгийг онцоллоо.
Харин наадмын хувьд наадмын төсвийг Нийслэлийн төсвөөс гаргадаг. Наадмын төсөв өмнөх жилд 2.8-3 тэрбум төгрөг зарцуулсан. Энэ жил энэ орчмын төсөвт багтаан зохион байгуулалт хийхээр боллоо. Үзэгчгүй цахим наадмыг Хүй долоо худагт зохион байгуулахаар боллоо.
Цахим наадам зохион байгуулах баг томилогдсон. Ерөнхий найруулагчаар Н.Наранбаатар, продюсерээр Г.Цоггэрэл, туслах найруулагчаар Б.Баатар нар ажиллахаар бэлтгэлдээ орсон байна.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
