Өнгөрсөн тавдугаар сарын 18-ны Засгийн газрын хуралдааны дараа Нийслэлийн Засаг дарга бөгөөд Улаанбаатар хотын захирагч Д.Сумъяабазар “Нийтийн тээвэрт шаардлагатай автобусны тоо 1432. Энэ хэрээр салбарын ачаалал, чирэгдэл буурах талаар Засгийн газрын хуралдаанд танилцуулсан. Одоогоор 90 гаруй чиглэлд 900 орчим тээврийн хэрэгсэл үйлчилж байна. Ерөнхий сайдын зүгээс парк шинэчлэлийн 50 хувийг энэ онд, үлдсэн 50 хувийг 2023-2024 онд хийх үүрэг өгсөн” гэж байв.
Тэгвэл энэ сарын 21-нд Хот хариуцсан сайд Ж.Сүхбаатар сэтгүүлчдэд мэдээлэл өгөхдөө “Ний нуугүй хэлэхэд парк шинэчлэл битгий хэл, нөгөө 420 тэрбумын эх үүсвэр алга байна. Үүнтэй холбоотойгоор зам, гүүрийн ажил зогсож, парк шинэчлэлийн автобусаа авах боломжгүй байдал үүссэн” гэсэн юм.
Жил бүрийн 9-р сараас эхлэн авто зам болон нийтийн тээвэр ачаалал эрс нэмэгддэг. Нийслэлчүүд битүүхэндээ “оюутан, сурагчдын амралт хурдан эхлээсэй” гэж залбирдаг болсон. Учир нь түгжрэлийн дийлэнх хэсгийг гэрээс зайдуу сургуулиас хүүхдээ авхын тулд замын хөдөлгөөнд оролцдог гэх мэдээлэл бий.
Хэзээ түгжрэл, нийтийн тээвэртээ санаа зовинохгүй амьдарцгаана даа...
Like
0
Зөв
0
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
