Ч.Хүрэлбаатар: Монголд хөрөнгө оруулсан гадаадын хөрөнгө оруулагчид ихээхэн гомдол гаргадаг

Админ

2022-11-23

Засгийн газрын өнөөдрийн хуралдаанаар гадаадын хөрөнгө оруулагчдын гомдлыг шийдвэрлэх талаар хэлэлцжээ. Тодруулбал, ирэх нэгдүгээр сарын 1-нээс Гадаадын хөрөнгө оруулалт, худалдаа хариуцсан агентлаг байгуулахаар боллоо.

Энэ талаар Эдийн засаг, хөгжлийн сайд Ч.Хүрэлбаатар "Бид хөгжлийнхөө тодорхой шатанд гадаадын хөрөнгө оруулагч нарыг "Монгол Улсад бизнес хийгээч ээ" гэж урьдаг. Түүнд зориулж олон төрлийн хууль гаргасан. Үүнтэй нийцүүлж Гадаадын хөрөнгө оруулалт, худалдааны агентлаг байгуулаад ажиллаж байсан ч зогсоогоод байсныг сэргээж байгаа.

Өнөөдрийг хүртэл Монголд хөрөнгө оруулсан гадаадын хөрөнгө оруулагчид ихээхэн гомдол гаргадаг. Энэ бүх гомдлыг Засгийн газар хэлэлцэж, тогтоол гаргалаа.

ГХЯ, ЭЗХЯ-нд давхардсан тоогоор гадаадын 38 ААН-ээс гомдол ирсэний зургаа нь шийдэгдсэн. Тухайлбал, ХБНГУ-ын 8, Канад 4, Япон 3, Казахстан 2, Тайланд 2, Их Британи 1, Франц 1, БНХАУ 3, БНСУ 3, Австри 2, АНУ 1, Болгар 1, Швейцар улсын нэг ААН-ээс тус тус гомдол ирсэн.

Гадаадын хөрөнгө оруулагч нар юунд гомдол гаргасныг авч үзвэл:

Төрийн байгууллагуудтай байгуулсан гэрээг хэрэгжүүлэх 8
Төлбөр тооцоо, залилан 4
Бүртгэлийн маргаан 2. Өөрөөр хэлбэл, үйл ажиллагаа явуулахдаа хамтарч байгаад бүртгүүлэхдээ хасдаг.
Тусгай зөвшөөрөл цуцалсан 4
Газрын төлбөртэй холбоотой 1
Хууль хүчний байгууллагатай холбоотой 1
Орон нутагтай холбоотой 1
Хяналт шалгалттай холбоотой 2
Татварын маргаан 2
Эс үйлдэхүй 2
Худалдаа, үйлчилгээний төлбөртэй холбоотой 4 гомдол байна.

Бүх гомдлыг гаргаад холбогдох сайд, албаныханд шийдэж өгөх чиглэл өгсөн" гэв.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

Ч.Хүрэлбаатар: Монголд хөрөнгө оруулсан гадаадын хөрөнгө оруулагчид ихээхэн гомдол гаргадаг

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд