Өчигдөр /2022.11.25/ хүн амины онц ноцтой хэрэг цагдаагийн байгууллагад бүртгэгджээ. Тодруулбал, хохирогчийн төрсөн эгч мэдээлэл өгсөн аж. Тэрбээр "Ээж аав хоёрыг ирэхэд дүү болон 60 гаруй настай эрэгтэй гэртээ нас бараад бие нь хөрсөн байсан. Эмэгтэй дүү маань Ч гэх эрэгтэйтэй хамтран амьдардаг байсан. Хоёр болон дөрвөн настай хүүхэдтэй. Хамтран амьдрагч нь архи дарс уудаг, гэр бүлийн хүчирхийлэл үйлддэг. Төрсөн аавыгаа хүртэл зодож, тэтгэврийн мөнгийг нь аваад архиддаг байсан. Манай дүү 26 настай ажил хийдэг. Ажил хийгээд олсон мөнгөөр нь архи авч уудаг. Дүүгийн маань хоолойг боомилж багалзуурдаж амийг нь хохироосон байх магадлалтай байна. Шүүх эмнэлгээс эцсийн дүгнэлт гарна. Хоёр хүүхэд өнчрөөд хоцорлоо. Сэжигтэн этгээд зугтаасан байна" гэсэн мэдээллийг өгчээ. Энэ хэргийг цагдаагийн байгууллагаас шалгаж байгаа юм байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
