УИХ дахь МАН-ын бүлэг өнөөдрийн хурлаар хэлэлцсэн асуудлаа танилцууллаа. Бүлгээс Аялал жуулчлалын тухай болон Казиногийн хуулийг УИХ-д өргөн мэдүүлэхээр шийдвэрлэжээ.
Энэ талаар Хууль зүй, дотоод хэргийн сайд Х.Нямбаатар "Монгол Улс цар тахлын өмнө буюу 2019 онд 580 мянга орчим жуулчин хүлээн авч, 610 сая орчим ам.долларын орлого олсон гэх статистик бий. 2020-2021 онд жуулчингүй байсан.
2019 оны үед ДНБ-ий 6 орчим хувийг аялал жуулчлалын салбараас бүрдүүлж байжээ. Аялал жуулчлалын салбарын ДНБ-д үзүүлэх үр нөлөөллийг 30 хувьд хүргэх зорилт тавьж, 2023 оныг "Монгол Улсад зочлох жил" болгон зарлаж байгаа.
Тиймээс Аялал жуулчлалын тухай хуулийг нэн яаралтай горимоор УИХ-д өргөн мэдүүлж арванхоёрдугаар сард багтаан батлуулна.
2023 оны нэгдүгээр сарын 1-нээс визийн хамгийн сайн буюу визгүй ангиллын оронд багтсанаа олон улсад зарлах, Монгол руу ирэх агаарын тээврийн зардал хамгийн бага байх мэссэжийг өгөхөөр хуулийн төслийг боловсруулсан" гэв.
Уг хуулийг дагалдуулан багц байдлаар Казино, морин бооцоот уралдааны, төлбөрт тааварт тоглоомын тухай хуулийг УИХ-д өргөн барихаар төлөвлөжээ. Хуулийн төслүүдийг лхагва гарагийн Засгийн газрын хуралдаанд танилцуулж, УИХ-д өргөн барих зөвшөөрөл авах юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
