УИХ дахь Ардчилсан намын бүлэг хуралдаж, нүүрсний хулгайн асуудлаар мэдээлэл хийлээ.
Энэ үеэр УИХ-ын гишүүн С.Одонтуяа “Өнөөдөр нүүрсний хулгайн талаар нээлттэй сонсгол хийе гэж УИХ-ын нэлээд олон гишүүн шаардлага хүргүүлж байгаа. Ардчилсан намын бүлгээс 6-7 гишүүн энэ шаардлагад гарын үсэг зурсан.
Яагаад гэвэл сүүлийн үед Хөгжлийн банкны буруу, нүүрсний хулгай гээд бүх л бурууг Ардчилсан нам руу чихэх гэсэн увайгүй үйлдэл байгаа учраас өөрсдөө манлайлж оролцоно. 1990 онд цахилгаан станц руу ордог зам дээр нүүрсний хулгайчид гэж ярьдаг байсан. Эдгээр хүмүүс гэрээ дулаан байлгаж хүүхдүүдээ өлсгөхгүйн тулд тухайн хулгайг хийдэг байсан. Одоогийн нүүрсний хулгайчид улс орноо зарж, дэлхийн шившиг болгож байна.
ОУВС өнгөрсөн есдүгээр сард хулгайч байгааг илрүүлсэн болохоос МАН шударгадаа илрүүлсэн зүйл биш.Бид ийм их нүүрстэй хэрнээ эрчим хүчээ хангаж чадахгүй байгаа нь дахиад л дэлхийн шившиг болж байна Иймээс Ардчилсан намын бүлэг онцгой анхаарч нүүрсний хулгайтай хатуу тэмцэнэ гэдгээ илэрхийлж байна” гэсэн юм.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
