"Чингис" бондын төлбөрийг бүрэн барагдуулсан тухай мэдээллийг бид хүргэсэн билээ.
Энэ талаар Сангийн сайд Б.Жавхлангаас тодруулахад "Энэ бондын 63 хувийг төсөвт авч хэрэглэсэн. Өөрөөр хэлбэл, өөр бизнесээс нэхэх эрхгүй тул үлдэгдэл 136 сая ам.долларыг 2022 оны төсөвт тусгасны дагуу Төрийн сангаас барагдуулсан. Үүнээс хойш гарсан зургаан бондыг дахин санхүүжүүлж, төсвийн алдагдлыг нөхөх зорилготой гаргасан.
2020-2024 он бол 1990 оноос хойш Засгийн газарт үүссэн 8.5 тэрбум ам.долларын өрийн 5.4 тэрбум ам.долларыг буюу хамгийн өндөр ачаалалтайгаар өр төлбөр барагдуулах хугацаа. Гэтэл 2020-2024 он нь эдийн засгийн нөхцөл байдлын хувьд нэлээд том сорилт авчирсан жилүүд болж байна. Цар тахал, олон улсад үүссэн мөргөлдөөний нөхцөл байдал гэсэн том сорилттой байгаа ч олон улсын санхүүгийн зах зээл дээр төлбөрийн хариуцлагаа цаг хугацаанд нь биелүүлж байгаа" хэмээв.
Ирэх онд манай улс Засгийн газраас баталгаа гаргасан "Самурай" болон "Евро" бондыг төлөх учиртай. Одоогоор "Самурай" бондын төлбөрт өгөх ёстой "30 тэрбум иенийг Хөгжлийн Банкны зээлүүдийг төлүүлсэн эх үүсвэрээс цуглуулж чадсан. Үүнээс бид өнөөдрийн ханшаар 762,300,000,000 төгрөгийн эх үүсвэрээр 30 тэрбум иен худалдаж аваад, Монголбанкин дахь Төрийн сангийн Хөгжлийн банкны дансанд хадгалсан" хэмээн хэллээ.
"Самурай" бондыг анх гаргаж байх үед 285 сая ам.доллартой тэнцэж байсан бол иений ханш тодорхой хэмжээгээр унаснаас 225 сая ам.доллар болжээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
