Нүүрсний "МАФИ" бүлэглэл 440 гаруй их наяд төгрөгийн нүүрс хулгайлсан шуугиан дэгдэж, олон нийтийг бухимдуулаад байна. Улмаас өнгөрсөн ням гараг буюу энэ сарын 4-нөөс эхлэн иргэд Д.Сүхбаатарын талбайд эсэргүүцлээ илэрхийлж буй.
Засгийн газар сандрахдаа 10 орчим хүнийг нүүрсний хулгайн хэрэгт сэжиглэж байгаагаа нийтэд зарласан ч үүнийг иргэд эс зөвшөөрч 10 хүний цаана хэчнээн хүн байгаа нь тодорхойгүй байна. Яаралтай шалган шударгаар зарлаж, хариуцлага хүлээлгэхийг шаардсаар байгаа.
Нүүрс нь гаалиар экспортлогдож буй тул Гаалийн ерөнхий газар хамгийн их холбоотой. Өөрөөр хэлбэл, хяналт хангалтгүй учраас л энэ асуудал үүссэн гэсэн үг. Ганц нүүрсэн дээр ч биш, хүнсэн дээр ч Гаалийнханы дутагдал мунадахгүй олон. Монгол Улс “ХОГИЙН САВ” шиг хамаг муу муухай, хориотой, зөвшөөрөлгүй бараа бүтээгдэхүүн орж ирдэг нь Гаалийн муугийнх. Эднийхтэй холбоотой "ШОГ" яриа ч бий. Нэг удаа БНХАУ руу ажлаар яваад Замын-Үүдийн боомтоор орж ирэхэд Гаалийн байцаагч “За цүнхэнд чинь ямар нэгэн хориотой юм байхгүй биз?” гэж асуулаа. Байхгүй л гэж хариулав. Ингээд Хил даваад хотдоо ирсэн сэн. Тухайн үед ингэж шалгадаг бол юу ч хамаагүй аваад орж болох юм байна л даа" гэж халаглаж билээ.
Харин өнөөдөр /2022.12.07/ Төрийн ордонд АТГ, Шүүх, Прокурорын байгууллагаас нүүрсний хулгайтай холбоотой асуудлаар мэдээлэл хийлээ. Энэ үеэр Гаалийн ерөнхий газрын дарга Б.Асралт тайлбар өгсөн юм. Тэрбээр,
"10 машин нүүрс хууль бусаар гарсан байж болзошгүй байна гэдгийг Гаалийн ерөнхий газраас анх мэдээлсэн. Машин нь бүртгэлгүй, бүртгэлтэй ч бүрдүүлэлт хийгдээгүй зэрэг асуудал гарсан. Улмаар бид боомтын шинэчлэлийг хийж байна. Мөн Хятадын Засгийн газартай мэдээлэл солилцох хүсэлтээ явуулсан хариу хүлээж байна. Энэ хэрэгт холбогдсон улс төрчдийн нэрсийг, цаашдын мөрдөн шалгах ажиллагаанд саад болохооргүй бол ил болгох талаар ярилцана. Нүүрсний хэрэг дээр одоогоор дөрвөн хэрэг үүсгэн шалгаж байна" гэв.
Дашрамд дурдахад, ГЕГ-ын дарга Б.Асралтыг Ерөнхий сайд асан Сү.Батболдын эхнэрийнх нь дүү гэдгээр зарим хүмүүс мэддэг юм.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
