Нүүрсний хулгайн асуудлаар байгуулагдсан ажлын хэсгээс өнөөдөр /2022.12.08/ мэдээлэл хийлээ.
Ажлын хэсгийн ахлагч, ХЗДХ-ийн сайд Х.Нямбаатар "Өнгөрсөн шөнө "Эрдэнэс Тавантолгой" ХК-ийн гүйцэтгэх захирал асан Б.Ганхуяг, "Хишиг арвин индустрал" ХХК-ийн ерөнхий захирал Б.Хишигдорж нарын найман иргэнийг хойшлуулашгүй ажиллагаагаар баривчилсан.
Найман хүнийг харвал, "Хишиг арвин индустрал" ХХК-ийн гурав, бусад нь “Эрдэнэс Тавантолгой" ХК-ийн гүйцэтгэх захирал асан Б.Ганхуягийн хамаарал бүхий таван хүн байгаа.
Дээрх нэр дурдагдсан хүмүүсийн болон “Хишиг арвин индустрал" компанийн оффис, салбар оффист нэгжлэг хийгдэж байгаа.
“Хишиг арвин индустрал" ХХК нь Эрдэнэс Тавантолгой компани анх үүсгэн байгуулагдсан цагаас эхлэн хөрс хуулалт, олборлолт, операторын үйл ажиллагаа эрхэлж байгаа үндэсний томоохон компаниудын нэг гэх мэдээллийг авсан.
Тус компани болон хуучин захирал Б.Ганхуягтай холбоотой албан тушаал, авлигын гэмт хэргийн тодорхой нотлох баримт мэдээллүүд олдсон учраас мөрдөн шалгах ажиллагааг шуурхай явуулах, хэргийн үнэн зөвийг тогтооход саад учруулж болзошгүй гэх үүднээс мөрдөн шалгах ажиллагааг явуулж байна гэх мэдээллийг дөнгөж сая АТГ-аас авлаа” хэмээв.
Түүнчлэн, ХЗДХ-ийн сайд Х.Нямбаатар "ХУЛГАЙ"-н хэрэгтэй холбоотой зарим "НОЦТОЙ" мэдээллийг дэлгэсэн юм. Тухайлбал,
-2021 оноос хойш 1 жил 7 сарын дотор 379 мянган тонн нүүрс хилээр гарахад гаалийн бүрдүүлэлт хийгдээгүй.
-2013-2017 оны хооронд 2527 компанийн 17200 орчим машин БНХАУ-ын хилээр хоосон нэвтэрсэн.
-2013-2017 оны хооронд 268 мянган тонн нүүрс татвар, төлбөргүй улсын хил давсан.
-2022 оны 4-р сараас 5-р сар хүртэл камерын хяналтын бичлэг, гаалийн мэдүүлэг, хүн тээврийн хэрэгслийн бүртгэлтэй тулгахад их хэмжээний нүүрс гарсан нь тогтоогдсон. Энэ нь Монгол улс болон БНХАУ-ын гаалийн мэдүүлэгтэй зөрсөн. Манай улсаас зөөсөн хулгайн нүүрс зөвхөн БНХАУ-д биш цааш гуравдагч орон руу гардаг байх магадлалтай байна.
-Хулгайн нүүрсний хэрэг зөвхөн Гашуун сухайт боомттой холбоогүй. Ханги-Мандал, Замын-Үүд, Сүхбаатар, Ховд аймгийн боомтуудаар экспортод гарч байсан.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
