Жил бүрийн өдийд нийслэлчүүд түгжрэлээс гадна "УТАА"-тай зууралдаж эхэлдэг. Энэ жил ч зууралдсаар байна. 10-аад жилийн өмнө "УТААГҮЙ" гэх шидэт зуухыг гэр хорооллын иргэдэд тараасан ч тусыг олохгүй байсаар ашиглалтын хугацаа дуусав. Мөн 2017 онд одоогийн Шадар сайд С.Амарсайханыг Хотын дарга байх үед САЙЖРУУЛСАН шахмал түлш хэрэглээнд нэвтэрч өдгөө 5 дахь жилтэйгээ золгож байна. Гэвч Улаанбаатар хот "СААРАЛТСАН" их утаандаа шивсээр байгаа бөгөөд үр дүн бага гэдгийг иргэд хэлсээр буй.
Эргэн сануулахад, Агаар, орчны бохирдлыг бууруулах чиглэлээр 2017-2020 онд нийт 456.1 тэрбум төгрөгийг зарцуулсан. Үүний 287.2 тэрбум төгрөгийг улс, нийслэлийн төсвөөс гаргажээ. Харин 168.9 тэрбум төгрөгийг Азийн хөгжлийн банк, Дэлхийн банк, БНХАУ-ын зээл, тусламжаас бүрдүүлсэн байна. Эндээс төсвийн хөрөнгийг хэрхэн үргүй зардал болгож, төрийн байгууллагууд уялдаа холбоогүй, үр дүнгүй ажиллаж байгааг харж болно.
Хийсэн ажил нь үр дүн гарахгүй байгаад түлшний чанар ч эргэлзээ төрүүлдэг. Мэргэжлийн хяналтын ерөнхий газрын стандартад дурдсанаар сайжруулсан шахмал түлшний чийглэг зургаан хувиас ихгүй, илчлэг 4800 ккал-аас өндөр, бат бөхийн чанар 80 хувиас дээш байх учиртай. Тэгвэл 4-7 дугаар сард баруун үйлдвэрт үйлдвэрлэж агуулахад шилжүүлсэн түлшний чийглэг 1.1-2 хувь, илчлэг 6000-6400 ккал, бат бөхийн чанар 93-98 хувьтай байгаа нь маш сайн үзүүлэлт аж.
Хэрвээ түлшний чанар үнэхээр сайн байгаа бол иргэд түлшнээс өөр зүйл шатаагаад байна уу, өмнөх шигээ "ДРОН"-оор хянах уу? Угаартаж үхлээ, Б.Бат-Эрдэнэ сайд аа!!!
Like
0
Зөв
0
0
Буруу
0
Воов
0
Уйтгартай
3
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
