ШӨХТГ-ын дарга С.Мөнхчулуун шатахуун импортлогчдод хийсэн хяналт шалгалтын талаарх мэдээллийг танилцуулав.
Тэрбээр "Сүүлийн өдрүүдэд дизель түлшний нөөц нэмэгдэж, хэвийн хэмжээнд очиж байгаа талаарх мэдээллийг салбарын яамнаас авсан. Хомсдол үүсэн асуудлаар манайхаас ажлын хэсэг гарч, бүх ШТС-уудад шалгалт хийсэн. ОХУ дотооддоо зохион байгуулалт хийж, хувийн үйлдвэрүүд нь гадагш экспортлохыг хориглосон байдаг. Тус улсын дотооддоо гаргасан шийдвэрээс болж ийм хомсдол үүссэн.
Үүнийг далимдуулж манай улсад дамлан худалдаалж, зохиомлоор хомсдол үүсгэх, үнэ өсгөх асуудал ч гарлаа. Бид шалгалт хийхэд цахим орчинд "Шатахуун зарна", "Дизель түлш зарна, хүргэж өгнө" гэх зар түгээж, улмаар үнэ хөөргөн зохиомол хомсдол үүсгэсэн асуудал гарлаа. Энэ нь Газрын тосны тухай хуулийг зөрчиж буй үйлдэл. Өөрөөр хэлбэл, зөвхөн тусгай зөвшөөрөлтэй этгээд шатахуун худалдан борлуулах эрхтэй. Хэн нэгэн дур мэдэж гар дээрээс худалдаж байгаа нь хууль зөрчиж буй асуудал.
Хэрэглэгчдэд "Шатахууны хомсдол үүслээ", "Дутагдаж байна" гэх мэдээллийг зориуд тарааж, үүн дээр дөрөөлөн бизнес эрхэлдэг хүмүүс байна" гэдгийг онцолсон юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
