Монгол Улсын Ерөнхийлөгч У.Хүрэлсүх өчигдрөөс эхлэн үүрэгт ажилдаа орж, хамтран ажиллах зөвлөхүүдээ томилж эхэлсэн.
Зургаан жилээр ажиллах шинэхэн Ерөнхийлөгч залуу, мэргэжлийн, чадварлаг хүмүүсээр багаа бүрдүүлж байгаагийн дотор МУИС-ийн хоёр доктор Ерөнхийлөгчийн зөвлөхийн албанд томилогдлоо.
Ерөнхийлөгчийн Хууль зүйн бодлогын зөвлөх, Хууль зүйн ухааны доктор А.Бямбажаргал нь МУИС-ийн Хууль зүйн сургуульд бакалавр, магистрын зэргээ хамгаалж, төрөлх сургуульдаа 2007 оноос эхлэн 14 ажилласан нэгэн. Мөн тэрбээр БНСУ-д эрэмбээрээ 43-т ордог Күкминий их сургуулийн Хууль зүйн сургуульд Хууль зүйн ухааны докторын зэрэг хамгаалжээ. Тэрбээр Монгол Улсын Ерөнхийлөгчийн зөвлөхийн албанд томилогдох хүртлээ МУИС-ийн Хууль зүйн сургуулийн дэд захирлаар ажиллаж байв.
Харин Ерөнхийлөгчийн Боловсрол, шинжлэх ухаан, технологийн бодлогын зөвлөх, Техникийн ухааны доктор Ч.Лодойравсал нь МУИС-ийг төгсөж, улмаар ХБНГУ-ын Эрдмийн солилцооны алба /DAAD/-ны Сэндвич хөтөлбөрт хамрагдан Техникийн ухааны докторын зэргээ хамгаалжээ. Мөн ХБНГУ-ын Юүлих судалгааны төвд зочин судлаачаар ажиллаж, олон улсын эрдэм шинжилгээний сэтгүүлд 12 өгүүлэл, олон улсын эрдэм шинжилгээний хуралд 26 өгүүлэл хэвлүүлсэн туршлагатай. Тэрбээр МУИС-ийн дэд захирлаар ажиллаж байгаад Ерөнхийлөгчийн зөвлөхийн албанд томилогдлоо.
Like
27
Зөв
0
0
Буруу
0
Воов
0
Уйтгартай
1
Дуртай
Мундаг залуус томилогдсонд баяр хүргэе. Удам угсаа нь хүртэл сайхан оюунлаг хүмүүсийн үр сад бна..
Удам угсаа ажил хийхэд ямар хамаа байнаа. Жалганы бодлоосоо салаачээ мал аж ахуйнуудаа.
Маш сайн. Хүрэлсүх шал өөрөөр ажиллах нь зөв. "Женкод зөвхөн хулгайчийн нөөц л бий" гэсэн нь оносон үг байв..
Баяр хүргэе.Монголын төлөө хамтдаа...зүтгэх чадварлаг боловсон хүчин сонгосонд талархал илэрхийлье..
Ерөнхийлөгчдөө амжилт хүсье үнэхээр мундаг залуучуудаар багаа бүрдүүлж улс орныхоо хөгжил дэвшилд үнэтэй хувь нэмэр оруулах ажилыг хийсэн шиг хийж монгол орноо хөгжлийн манлайд гаргаарай монгол орон минь мандан бадарч байж ард түмэн мань сайхан а жаргалтай амьдрах болно та нартаа ажлын амжилт хүсье.
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
