АТГ-ын дэд дарга Г.Азжаргал: Авилагтай тэмцэх газраас Эрдэнэс Тавантолгой, Тавантолгой төмөр зам компаниудын эрх бүхий албан тушаалтнууд тендер сонгон шалгаруулах, нүүрс худалдах, худалдан авах гэрээ байгуулах, тээвэрлэх, улсын хилээр хууль бусаар нэвтрүүлэх, олон улсын ачаа тээврийн “С” зөвшөөрөл олгох. Нүүрс тээврийн төмөр замын барилгын ажил гүйцэтгэхдээ бусдад давуу байдал бий болгосон, хахууль авсан, үндэслэлгүйгээр хөрөнгөжсөн байж болзошгүй мөрдөн байцаалтын долоон хэрэгт мөрдөн шалгах ажиллагаа явуулж байна.
Мөрдөн байцаалтын долоон хэрэгт 47 обьектод нэгжлэг хийсэн. 15 хүнийг хойшлуулшгүйгээр баривчилж, 10 хүнд цагдан хорих, таслан сэргийлэх арга хэмжээ авснаас өнөөдрийн байдлаар зургаан хүнийг үргэлжлүүлэн цагдан хорьж байна. Нийт 30 хүнийг яллагдагчаар татсан. Үүнээс долоон албан тушаалтныг хахууль авах гэмт хэрэгт, 16 хүнийг хахууль өгөх гэмт хэрэгт, таван албан тушаалтныг албан тушаалын байдлаа урвуулан ашиглаж бусдад давуу байдал бий болгож их хэмжээний хохирол учруулсан гэмт хэрэгт, хоёр хүнийг үндэслэлгүйгээр хөрөнгөжих гэмт хэрэгт эрүүгийн хэрэг үүсгэж яллагдагчаар татаж байна.
Нийт албан тушаалтнууд 5,4 тэрбум төгрөгийн хахууль авсан болох нь одоогоор тогтоогдсон. Нүүрс борлуулалтын талаар Эрдэнэс Тавантолгой компани 2018-2022 оны 12 сарын нэгний хооронд давхацсан тоогоор нүүрс борлуулалтын нийт 633 гэрээ байгуулсан. Худалдан авах ажиллагааны талаар Эрдэнэс Тавантолгой компани 2018-2022 оны 12 сарын нэгний өдрийг хүртэлх хугацаанд 20 сая төгрөг болон түүнээс дээш үнийн дүн бүхий нийт 576 ширхэг бараа ажил үйлчилгээ, худалдан авалт зарлаж гэрээ байгуулсан.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
