Нийслэлийн Засаг дарга бөгөөд Улаанбаатар хотын Захирагч Д.Сумъяабазар Нийслэлийн Засаг даргын орлогч болон Ерөнхий архитектор, Улаанбаатар хотын Ерөнхий менежер бөгөөд Захирагчийн ажлын албаны дарга нарын иргэдтэй уулзах хуваарийг өнгөрсөн онд баталсан. Энэ дагуу нийслэлийн удирдлагууд иргэдтэй уулзаж буй. Тэгвэл өнөөдөр Улаанбаатар хотын Ерөнхий менежер бөгөөд Захирагчийн ажлын албаны дарга Д.Ганболд, Хот байгуулалт, хөгжлийн газрын дарга Ц.Тулга тэргүүтэй албаныхан Баянгол дүүргийн 18-р хорооны иргэн Г.Лхагвасүрэнг хүлээн авч уулзаж, санал солилцлоо.
Иргэн Г.Лхагвасүрэн Улаанбаатар хотын Ерөнхий төлөвлөгөөний дагуу усны нэгдсэн менежмент, гэр хорооллын дахин төлөвлөлт, шинэ сэргээгдэх эрчим хүчний 2030 оны хөгжлийн чиг хандлагын төлөвлөгөө, менежментийн арга, аргачлалыг боловсруулж, 2013 оны УИХ-ын 23-р тогтоолоор батлуулсан тухайгаа онцолсон. Мөн цаашид аймаг, нийслэлд уг тогтоолыг хэрэгжүүлж, төр, хувийн хэвшлийн түншлэлийн хүрээнд хамтарч ажиллахад дэмжлэг хүссэн юм.
Түүнчлэн тэрбээр “Улаанбаатар хотод тулгамдаад буй усны хангамж, хог хаягдлыг дахин боловсруулах, гэр хорооллыг дахин төлөвлөх зэрэг асуудлыг шийдэх цогц арга аргачлалыг боловсруулан батлуулсан. Энэ чиглэлд хамтарч ажиллах, байгаль орчин, нийгэмд хэрэгтэй санаачилга, шийдлүүдийг хэрэгжүүлэхэд хамтарч ажиллахыг хүсэж байна” хэмээсэн.
Улаанбаатар хотын Ерөнхий менежер бөгөөд Захирагчийн ажлын албаны дарга Д.Ганболд энэ хүрээнд нийслэлд хийж буй ажлуудыг хариуцан хэрэгжүүлдэг Хот байгуулалт, хөгжлийн газар болон бусад холбогдох байгууллага, нэгжид хүсэлтийг нарийвчлан судалж, хариу өгөхийг үүрэг болголоо.
Мөн усны нэгдсэн менежментийн талаар, энэ чиглэлд ямар ажлыг хийж хэрэгжүүлэх боломжтой талаар Г.Лхагвасүрэнтэй дахин уулзаж хэлэлцэхээ онцлов. Хог хаягдлыг дахин боловсруулах, сэргээн ашиглах чиглэлд төр, хувийн хэвшлийн түншлэлийг дэмжин ажиллаж буйгаа мөн тэрбээр илэрхийлсэн юм.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
