Инфляцын өсөлтөд импортын барааны үнэ 51 хувиар нөлөөлжээ

Эдийн засаг

Инфляцын өсөлтөд импортын барааны үнэ 51 хувиар нөлөөлжээ

Админ

2022-12-15

Инфляцын түвшин өнгөрсөн оны мөн үед 11 хувьтай гарсан бол энэ оны арваннэгдүгээр сард 14.5 хувь болж, 3.5 нэгж хувиар өссөнийг Үндэсний статистикийн хорооноос мэдээллээ.

Хэрэглээний бараа, үйлчилгээний үнэ өнгөрсөн сард улсын хэмжээнд өмнөх оны мөн үеэс 14.5 хувь, өмнөх оны эцсээс 12.1, өмнөх сараас 1.1 хувиар өсжээ.

Инфляц 14.5 нэгж хувь гарсны 51.1 хувь нь импортын барааны үнийн өсөлтөөс, 30.7 хувь нь хүнсний бараа, ундаа, усны бүлгийн үнийн өсөлтөөс шалтгаалсан аж.

Хэрэглээний бараа, үйлчилгээний үнэ өмнөх оны мөн үеэс 14.5 хувиар өсөхөд,

Хүнсний бараа, ундаа, усны бүлгийн үнэ дүнгээрээ 16.8 хувь (согтууруулах бус ундааны дэд бүлгийн үнэ 24.5 хувь),
Согтууруулах ундаа, тамхины бүлгийн үнэ дүнгээрээ 8 хувь,
хувцас, бөс бараа, гутлын бүлгийн үнэ дүнгээрээ 19.4 хувь,
Орон сууц, ус, цахилгаан, хийн болон бусад түлшний бүлгийн үнэ дүнгээрээ 16.6 хувь,
Эм тариа, эмнэлгийн үйлчилгээний бүлгийн үнэ дүнгээрээ 21.4 хувь,
Тээврийн бүлгийн үнэ дүнгээрээ 7.7 хувиар тус тус өссөн нь голлон нөлөөлсөн байна.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

Инфляцын өсөлтөд импортын барааны үнэ 51 хувиар нөлөөлжээ

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд