УИХ-ын гишүүн Т.Доржханд цаг үеийн зарим асуудлаар мэдээлэл хийлээ.
Тэрбээр "Өчигдөр нүүрсний хулгайд хамгийн их хамаатай хүн хилээр гарчихлаа. Олон эх сурвалжаас асуулаа, үнэн юм байна. Энэ тухай хуульч нартай зөвлөлдөхөд, хил гарч явах хуулийн үндэслэл байхгүй гэсэн. Нүүрсний хулгайн оффтейк гэрээтэй холбоотой шийдвэрийг шахаж гаргуулж байсан ҮАБЗ-ийн тэргүүн, Ерөнхийлөгч асан Х.Баттулга яг Ч.Сайханбилэг шиг гараад явчихлаа.
Энэ Лхагва гарагт нүүрсний хулгайтай холбоотой нээлттэй сонсголыг зохион байгуулахаар төлөвлөж байсан. Тухайлбал энэ үеэрээ Х.Баттулга гэдэг хүнээс тайлбар, мэдүүлгийг нь авья. "Эрдэнэс Тавантолгой"-н захирал асан Б.Ганхуягийг авчиръя. Хэн хэн үүрэг даалгавар өгснийг нь яриулья, УИХ-ын 5 гишүүнээр ч бас яриулья гэж төлөвлөж байсан. Гэтэл учиргүй л төмөр өргөөд, эрүүл саруул хүн гэсэн имидж бүрдүүлдэг хүн маань хэрэгт холбогдонгуутаа л өвдөөд, гадаад руу гараад явчих юм. Ч.Сайханбилэг бас л тэгж байсан. Ийм л өөдгүй, эр зориггүй улс төрчид байна
Монгол Улсын төрийн эрхийг парламент барьдаг. Парламентын хяналтыг хийх ганцхан л суваг байгаа нь УИХ-ын түр хороо. Нээлттэй сонсгол бол иргэд, УИХ-ын гишүүд, хэвлэл мэдээллийнхэн бүгд орж ирдэг асуудлаа ярьдаг онцлогтой шүү. Иймээс уг сонсголд идэвхтэй оролцоорой.
Мөн Монгол Улсын хуулиар Монголд эмчлэгдэх боломжтой, эмчлэгдэх боломжгүй өвчин гэж жагсаалт бий. Боломжгүй тохиолдолд л хүндэтгэн үзээд гадагшаа явуулах асуудал байж болно. Гэтэл тэр хүн үнэхээр Монголд эмчлэгдэх боломжгүй маш хүнд өвчин яг туссан юм уу?" гэв.
Like
0
Зөв
0
1
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
