НҮҮРСНИЙ ХУЛГАЙ-н хэргийн тэргүүн эгнээнд бичигдэж буй УИХ-ын гишүүн А.Адьяасүрэн "Нээлттэй сонсгол"-ын үеэр байр сууриа илэрхийллээ.
Тэрбээр "Би 40 мянган жолооч бэлтгэж, 2000 ажилтныг ажлын байраар хангасан. Ажил олгогч эмэгтэй хүн. Эрх баригчид хулгай луйвраа нуухын тулд яагаад сөрөг хүчин рүүгээ дайрах ёстой юм бэ. "Ичсэн хүн хүн ална" гэгчээр тээврийн компани руу, бизнес эрхлэгчид рүү, бүр сүүлдээ жолооч нар руу дайрч эхэллээ. Сүүлийн зургаан жил хэн засаг барьсан бэ, хэнд эрх мэдэл, тамга байсан юм бэ.
Би шалгуулахад бэлэн. Улс төрд орсон цагаас хойш намайг маш олон гүтгэлэг дагаж явсан. Энэ бүрийг УИХ-ын гишүүний хувьд, улстөрч хүний хувьд миний сонгосон зам гэж бодоод өдийг хүртэл чимээгүй явсан. Түүнээс биш хулгай луйвар хийсэндээ зугтаж, чимээгүй яваагүй. Үнэнийг дэнслэх ёстой. Цаг хугацаа бүгдийг шүүдэг.
2020 оны тавдугаар сарын 6-нд УИХ-ын сонгуульд өрсөлдөж эхлэх үед намайг хууль хяналтын байгууллагаас шалгасан. Харин УИХ-ын гишүүн болсноос хойш зөндөө гүтгэлэг явсан" гэв.
Түүнчлэн, өөрийн эрхэлдэг бизнесийнхээ талаар "Монгол Улсын тээврийн салбарт 40 мянган жолооч 450 орчим нүүрс тээврийн компанийн үйл ажиллагаа явуулдаг. Тэдний нэг нь би байсан. Би нүүрс тээврийн үйл ажиллагаа явуулдаг байсан, хэзээ ч нууж байгаагүй. Гэхдээ нүүрс тээврийн компаниуд хулгай хийх, гаалиар нүүрс гаргах ямар ч эрх мэдэл байхгүй. Улсын хил гаалиар яаж гарах вэ, БНХАУ-ын хил гаалийг аргална гэж байхгүй" гэлээ.
Like
0
Зөв
1
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
