Гаалиар их хэмжээний нүүрс гарч, хоосон машин нүүрстэй мэт хил давж байхад УИХ-ын гишүүн Сү.Батболдын хадам дүү, Гаалийн ерөнхий газрын дарга асан Б.Асралт "нүдэн балай, чих нь дүлий" мэт явна гэж үгүй. Хил дээр бүхий л өөрийнхөө хүнийг байршуулж, хувь авдаг тухай жолоочид хэлдэг. Тэгвэл өчигдөр Төрийн ордноо болсон Хяналтын сонсголын үеэр тээвэрчид ГЕГ-ын дарга асан Б.Асралтыг Нүүрсний хэрэгтэй холбоотойгоор шалгахгүй байгааг, холбогдогч нарын дундаас "сугалж" үлдээсэн үйлдлийг шүүмжиллээ.
Б.Асралт нь 2016 оноос хойш 6 жил Гаалийг удирдсан. Энэ үед хамгийн ихээр нүүрс хулгайд алдагдсан. Энэ талаар Тээвэрчдийн зөвлөлийн тэргүүн Н.Саарал хэлэхдээ:
“Жинхэнэ хулгайч нараа хэлээч, та нар ичихгүй байна уу. Нүүрсний хулгай ид явагдаж байх үед албан тушаал хашиж байсан хүмүүс чинь хаана байна. УИХ-ын гишүүн А.Адъяасүрэн, УУХҮ-ийн сайд асан Д.Сумъяабазар, ЗТХ-ийн сайд асан Б.Энх-Амгалан, ГЕГ-ын дарга асан Б.Асралт нар хаана байна. Би нүүрс тээвэрлэж байгаа 14 мянга 900 тээвэрчний хэлэхийг хүссэн үгийг та нарт дамжуулж байна. Энэ тээвэрчин залуус нэг ч тонн нүүрс хулгайлаагүй шүү. Жинхэнэ хулгайч нараа шалга. Хилээр нүүрс гарч байхад ГЕГ-ын дарга байсан Б.Асралт яагаад мэддэггүй юм. Нүүрс тээвэрчид хэн зөөгөөд өгөөч гэж байсныг хэлээд өгнө. Хэрэгтэй хүмүүсээ аваад ир улайтал нь асуугаад өгье. Монгол Улсад нэг өдөрт 8 сая ам.доллар буюу 27.5 тэрбум төгрөг оруулахын тулд өдөр, шөнөгүй үр хүүхэд, хань ижлээсээ хол олон сараар хөдөлмөрлөж байгаа залуучууд нүүрсний хулгайг чинь хийсэн болж хувираад байгаа юм уу?” гэж байр сууриа илэрхийлэв.
ГЕГ-ын дарга асан Б.Асралтыг үүрэгт ажлаас нь чөлөөлсөн. Ингэхдээ тэрбээр өөрөө шалгуулна гэж ЗГХЭГ-ын дарга хэлж байв. Гэвч Нүүрсний хулгайн хэргийн холбогдогч нарын дундаас Сү.Батболдын фракцын хүн Б.Асралтыг СУГА ТАТАН авч үлдсэн нь цаана нь улс төрийн тохироо явагдав уу?
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
