Төв талбайд эхэлсэн иргэдийн жагсаал энэ сарын 5-нд ширүүсч, жагсагчид Төрийн ордны хашаа, хаалга, шилэн хаалт зэргийг гэмтээсэн. Тэгвэл Төрийн ордны урд хаалгыг эвдэж, дайрч орсон иргэдийг баривчилсан тухай ЦЕГ-ын Хэвлэл мэдээллийн төвийн дарга Г.Мөнхбаяр мэдээлэл өгөв. Тэрбээр,
“Өчигдөр долоон иргэнийг 461 дүгээр хорих ангид саатуулсан нь үнэн. Гэхдээ тэднийг үзэл бодлоо илэрхийлснийх төлөө саатуулаагүй гэдгийг ойлгох ёстой.
Тодруулбал, тухайн долоон иргэн нь Эрүүгийн хуулийн тусгай ангийн 17.8 буюу эд хөрөнгө устгах, гэмтээх гэдэг зүйл заалтаар хэрэг бүртгэлтийн хэрэг нээгээд, шалгагдаж байгаа хүмүүс юм.
Энэ сарын 5-ны үймээнтэй холбоотойгоор "иргэдийн үзэл бодлоо илэрхийлэх нийгмийн дэг журмыг алдагдуулах, эд хөрөнгө устгаж гэмтээх гэсэн заалтаар зөрчлийн хэрэг нээж, өчигдөр /2022.12.21/ Хорих 461 дүгээр ангид 48 цагийн хугацаатай саатуулах ажлыг зохион байгуулсан.
Дашрамд дурдахад, үзэл бодлоо илэрхийлсэн хүн бүрийн зөв биш. Тухайлбал,
Үзэл бодлоо илэрхийлэх нэрийдлээр гэмт хэрэг үйлдэх, хүний биед халдах, гэмтэл учруулах, эд хөрөнгө устгах зэрэг үйлдэл хийж болохгүй. Энэ чинь өөрөө эрүүгийн хуулийн зүйл заалттай. Цагдаагийн байгууллага гэмт хэргийн шинжтэй зүйлд хэрэг бүртгэлтийн хэрэг нээн холбогдох мөрдөн шалгах ажиллагааг зохион байгуулах үүрэгтэй.
Түүнийхээ хүрээнд долоон иргэнийг 461 дүгээр хорих ангид саатуулсан” гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
