УИХ-ын гишүүн С. Одонтуяа, Б.Пүрэвдорж нар тогтоолын төсөл өргөн барих гэж буй талаараа мэдээлэл хийлээ. Тодруулбал, энэ нь "Аж ахуйн нэгжүүдийг дэмжих" тогтоолын төсөл аж. Энэ тухай С.Одонтуяа
“Зөвхөн пасспортын асуудал мэт боловч Монгол Улсад төрийн зүгээс хувийн хэвшлээ дэмжих зөв эхлэл болно. Хувийн хэвшлийнхэн “Бизнес хийхэд үргэлж дарамталж гадуурхаж байна” гэх болсон. Тиймээс төр баялаг бүтээгчдээ бодитой дэмжих шаардлага үүссэн.
Иймээс "ногоон пасспорт"-ыг хэрэгтэй хүнд олгох нь зүйтэй гэдгийг гэж үзэж байна.
АН 1990 онд бүх иргэндээ гадаад паспорт олгосон нь үр өгөөжөө өгч чадсан. Одоо бизнес эрхлэгчдээ төрийн бодлогоор дэмжих цаг нь болсон” гэсэн юм.
Харин Б.Пүрэвдорж "Татвар, хураамж төлсөн хэмжээгээр нийслэлд эхний 90, 21 аймагт эхний 10, улсын хэмжээнд эхний 200-д орсон ААН-ийн удирдлагад албан пасспорт олгохоор төсөлд тусгасан.
Тиймээс эдгээр ААН-ийн удирдлагыг гадаадад чөлөөтэй зорчуулах, бусад ангиллаар үйлчлүүлэхэд давуу тал бий болгох, бизнесээ хурдан шуурхай үргэлжлүүлэх боломжоор хангах зорилгоор уг тогтоолын төслийг өргөн барьж байна.
Жишээлбэл, Ховд аймагт гэхэд эхний 10-т орсон ААН-ийн удирдлагад албан паспорт олгоно. Хэрвээ дараа жил өөр компани ороод ирвэл байр нь солигдоно. Албан паспортыг хоёр жилийн хугацаатай олгодог. ААН-үүд илүү сайн татвар төлж, өрсөлдөнө гэсэн үг. Төр тэдний төлсөн татвараар бизнесийн таатай орчныг бий болгох нь чухал" хэмээн онцоллоо.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
