"Шинэ Яармаг" төсөл Хөгжлийн банкинд зээлээ төлсөн эсэх асуудлаар хуулийн зөвлөх О.Баасанхүү мэдээлэл хийлээ.
Тэрбээр “Би тус компанийн хуулийн зөвлөх бөгөөд үйлчлүүлэгчийн зөвшөөрлөөр зарим мэдээллийг олон нийтэд өгөхөөр боллоо. Учир нь хэвлэл мэдээллийн зарим хэрэгслээр буруу мэдээлэл гарч байна. Цар тахлын хүрээнд олон компанийн үйл ажиллагаа зогссон. Улмаар Хөгжлийн банкнаас зээл авсан төсөл, хөтөлбөр хэрэгжүүлэгч компаниуд хүнд байдалд орсон.
Хөгжлийн банкинд шалгагдаж байгаа хөтөлбөрүүдийг гурван шатлалаар авч үзэх ёстой. Өөрөөр хэлбэл, хувийн хэвшлийн оролцоотой тодорхой төсөл, хөтөлбөрүүдэд давагдашгүй хүчин зүйлээс болж зээлийн хугацаа нь хэтэрсэн бол бизнесийн зарчмаар хандах ёстой. Яагаад гэвэл төр бол өөрөө тодорхой хэмжээний хариуцагч байдаг.
Манай үйлчлүүлэгч буюу “Нью яармаг хаусинг прожект” ХХК нь Хөгжлийн банкнаас зээл аваагүй. ТОСК "Шинэ яармаг" хороололтой хамтран ажиллахаар тохиролцсон боловч санхүүгийн тодорхой маргаан үүссэн. Манай компани 61 тэрбум төгрөгийг Хөгжлийн банкинд, 24 тэрбум төгрөгийг ТОСК-д төлөх шүүхийн шийдвэр гарах үед Хөгжлийн банкны асуудал үүсэж эхэлсэн. Бидний зүгээс нийт 84.7 тэрбум төгрөгийг бүрэн төлсөн.
Түүнчлэн, "Нью яармаг хаусинг прожект” ХХК Х.Баттулга гэдэг хүнтэй ямар ч хамааралгүй. "Шинэ яармаг" төсөл нь 2013 оноос үйл ажиллагаагаа явуулж эхэлсэн бөгөөд одоо ч үргэлжилж байгаа" гэсэн юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
