Туркийн ерөнхийлөгч Рэжэп Тайип Эрдоган тус улсад одоо мөрдөгдөж буй тэтгэврийн насны босгыг цуцлах шийдвэрийг өчигдөр гаргажээ.
Өмнө нь тус улсад эмэгтэйчүүд 58, эрчүүд 60 настайдаа тэтгэвэрт гарах боломжтой байсан юм. Харин одоо ажиллах хугацааны шаардлага хангасан хүн бүр нас харгалзахгүй тэтгэвэрт гарах боломжтой болж байна.
Ингэснээр Туркийн 2.25 сая иргэн шууд тэтгэвэртээ гарах боломжтой болжээ. Тус улсад одоогоор 13.9 сая хүн тэтгэвэр авдаг.
Энэхүү шийдвэр нь ирэх оны зургаадугаар сард болох чухал сонгуулиар сонгогчдын саналыг авах гэсэн Эрдоганы төлөвлөгөөтэй холбоотой гэж ажиглагчид үзэж байна.
Түүний засаглалын 20 орчим жилийн хугацаанд сөрөг хүчний дуу хоолой хязгаарлагдаж, эдийн засгийн хямрал гүнзгийрч, үндэсний валют лирийн ханш 10 жилийн өмнөхөөсөө их хэмжээгээр унаад байгаа юм.
Эх сурвалж: Reuters
Like
0
Зөв
0
0
Буруу
2
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
