Нийслэлийн агаарын бохирдол огцом ихэссэн талаар иргэд бухимдан шүүмжилж байна. ЦУОШГ-аас ДЦС-уудын яндангийн уур нь агаарын тоосжилтой холилдсон нь ингэж харагдаж байгаа" хэмээн мэдээлсэн нь асуудлыг улам хурцдуулав. Үүнтэй холбогдуулан сайжруулах шахмал түлшний чанарын асуудлаар Эрчим хүчний яамны Төрийн нарийн бичгийн дарга Н.Тавинбэх мэдээлэл өгсөн юм. Тэрбээр,
"Үйлдвэрлэж байгаа сайжруулсан шахмал түлшийг долоо хоног бүр нэгээс доошгүй удаа гурван лабораторид шинжилж байгаа. Өнөөдрийн байдлаар бидний үйлдвэрлэж буй сайжруулсан шахмал түлш Монгол Улсын стандартыг, тэр дундаа шинэчлэн баталсан шаардлагыг хангаж байгаа.
Улаанбаатар хотод байрладаг өндөр хүчин чадал бүхий ДЦС-уудын яндангаас гарч байгаа утааны асуудал бий. Технологийн шинэчлэл хийж, бүх станцууд дээр байнгын ажиллагаатай утааны хэмжилт хийдэг төхөөрөмжийг байршуулсан. Энэхүү төхөөрөмжийн хэмжилтийн дүнг хянаж байгаа. Шаардлагатай тохиолдолд мэргэжлийн байгууллагуудтай хамтран хэмжилтийг зөөврийн төхөөрөмжөөр албажуулж хэмждэг.
Өнөөдрийн байдлаар Улаанбаатар хотод байрлаж буй дулаан, цахилгаан үйлдвэрлэдэг станцуудаас гарч байгаа утаа Монгол Улсын стандартыг хангаж байгаа. Сайжруулсан шахмал түлш болон станцуудын үйлдвэрлэлтэй холбоотой ялгарч байгаа утаа өмнөх жилүүдээс илүүтэйгээр Улаанбаатар хотын агаарын бохирдолд нөлөөлсөн зүйл байхгүй гэдгийг баттай хэлье" гэсэн юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
