Дэлхийн нийтээр "COVID-19" цар тахал дэгдэж, улс орнууд эдийн засгийн хүнд байдалд орсон. Монгол Улсыг ч энэ зовлон дайрсан. Улмаар дээр дооргүй бүсээ чангалж, Төрийн хэмнэлтийн хуулийг хэрэгжүүлсэн. Энэ хуулийн дагуу Төрийн албан хаагчид машинаа хураалгасан. Гэхдээ "сайны хажуугаар саар" гэдэг шиг Төрийн хэмнэлтийн хуулиас болж, орон нутгийн иргэд төрийн үйлчилгээг авах боломжгүйд хүрчээ. Тухайлбал,
Өвөлжилт хүндрээд буй Баян-Өлгий аймгийн Булган сумын Засаг дарга машингүй аж. Малчдаараа тойрч, төрийн үйлчилгээг хүргэх ямар ч боломжгүй нөхцөл байдал үүссэн талаар УИХ-ын гишүүн Т.Аубакир өчигдөр /2022.01.03/ болсон УИХ дахь Байгаль орчин, хүнс, хөдөө аж ахуйн байнгын хорооны хуралдааны үеэр онцолсон юм.
Төрийн хэмнэлтийн хуулийн дагуу Засаг дарга машин авч болохгүй. Өнөөдрийн байдлаар Монгол орны нутаг дэвсгэрийн 70 хувь нь цасан бүрхүүлтэй, өвөлжилт, хаваржилт хүндрэх нөхцөл байдалтай байгааг Шадар сайд С.Амарсайхан Байнгын хорооны хуралдааны үед хэлэв.
Иймээс Төрийн хэмнэлтийн тухай хуулийн хэрэгжилтийг эргэн харах шаардлагатай байна...
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
