Өмнөд Судан улсад энхийг сахиулах үүрэг гүйцэтгээд эх орондоо ирсэн зарим алба хаагчаас хумхаа өвчний халдвар илэрсэн гэх мэдээлэлд Батлан хамгаалах яамнаас тайлбар өглөө.
Цэргийн төв эмнэлгийн дарга Б.Энх-Од "Энхийг сахиулах үйл ажиллагаанаас ирсэн есөн алба хаагчаас хумхаа өвчин илэрсэн. Долоон алба хаагч бүрэн эдгэсэн бол хоёр алба хаагчийн нэг нь нас барсан, нөгөө нь "НЭН ХҮНД" гэсэн ангиллаар эмчлүүлж байна.
Африкт арван шумуул тутмын нэг нь хумхаа өвчинтэй гэж үздэг. Энэ өвчин нь шумуулаас хүнд дамждаг бөгөөд хүнээс хүнд халдахгүй. Халдвар тээгч шумуулд хазуулсан тохиолдолд хумхаа өвчин тусаж болно.
Манай цэргүүд эх орондоо ирээд 14 хоног хумхаа өвчний эсрэг эм уудаг. Дэлхийд хумхааны эсрэг вакцин байхгүй. Өмнө нь алба хаагчдаас хумхаа өвчний тохиолдол илэрдэг ч бүрэн эмчилдэг байсан.
Энхийг сахиулах ажиллагаа явуулж буй 21 жилийн хугацаанд энэ өвчнөөр хүн нас бараагүй. Энэ удаа анхны тохиолдол болсон" гэв.
Like
1
Зөв
0
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
