Өчигдөр /2022.01.05/ Л.Оюун-Эрдэнийн Засгийн газар "ХАЛГАА СЭЛГЭЭ" хийж, зарим сайд нараа солив. УИХ-аар санал хурааж, Х.Булгантуяаг Боомтын сэргэлт хариуцсан сайд, С.Чинзоригийг Эрүүл мэндийн, Ц.Даваасүрэнг Барилга, хот байгуулалтын сайдаар тус тус томиллоо. Харин Эдийн засаг, хөгжлийн сайд Ч.Хүрэлбаатар нь Шадар сайдын статусыг давхар ХАРИУЦАХААР болж, тангаргаа өргөцгөөв. ҮНСЭЛЦЭЖ, ҮМХЭЛЦСЭН шинэхэн сайд нарыг ямархуу "ДҮР ТӨРХ"-тэй салбар хүлээж байгаа бол?... Жишээлбэл,
Хамгийн хүнд салбар бол ЭРҮҮЛ МЭНД. Учир нь нийслэлийн утаа болон хүйтнээс үүсэлтэй гэх ханиадны уршгаар том, жижиггүй эмнэлгийн "ҮҮД" сахиж байна. Мөн эмч, ажилчдын хандлага, хариуцлага дутмагаас болж багагүй асуудал үүсдэг. Сүүлийн жишээ нь "Өргөө" амаржих газар.
Түүнчлэн, ЭМД-аар үйлчилгээ авахад хүндрэлтэй байдаг талаар зарим иргэд шүүмжилдэг билээ. Тэгвэл итгэл муутайхан "ТАМГА"-аа хүлээж авсан, шинэ сайд юу хэлэв?
С.Чинзориг хэлэхдээ "Бид сүүлийн гурван жилд хаа, хаанаа л "АМАРГҮЙ" нөхцөлд ажиллалаа. Би Эрүүл мэндийн сайдаар томилогдсоны хувьд дараах асуудалд анхаарч ажиллана. Нэгдүгээрт, энэ салбарыг нээлттэй, ил тод байлгах шаардлагатай. Хоёрдугаарт, албан тушаалтнуудыг чадваржуулж, чадварлаг боловсон хүчин бэлтгэхэд анхаарна. Гуравдугаарт, нийгмийн хамгааллын салбарыг хариуцаж байсны хувьд эмч, эмнэлгийн ажилчдын нийгмийн баталгаа болсон цалин урамшууллыг дээшлүүлэхэд анхаарах болно. Түүнчлэн, би Эдийн засагчийн хувьд нийгмийн даатгал, ЭМД-ыг гадарлана. Тиймээс ЭМД-ын гүйцэтгэлийн санхүүжилтыг сайжруулж ажиллахаар төлөвлөж байна. Ерөнхий сайд ч намайг энэ албан тушаалд томилохдоо Эрүүл мэнд, нийгмийн даатгалын системийг илүү боловсронгуй болгох болов уу гэх талаас харж л томилсон байх" гэсэн юм.
Экс сайд С.Энхболд "ТООС"-нд дарагдсан дэд сайдын суудлаа авсан. Энэ хоёр хэрхэн ГАР НИЙЛЖ ажиллах бол...
Like
0
Зөв
0
0
Буруу
0
Воов
0
Уйтгартай
0
Дуртай
ЧИНЗОРИГ ӨМНӨ НЬ ХНХ-ын САЙД БАЙХДАА ЭМ-ийн САЙД САРАНГЭРЭЛТЭЙ ХАМТРАН НД, ЭМД-ын 435 тэрбум ₮-ийг УНДАРМААГИЙН ХУВИЙН БАНКИНД ЗОРИУД ШИЛЖҮҮЛЭН БАЙРШУУЛААД ХАМТДАА ХУЛГАЙЛЖ, ХУСАЛЦААД ЦӨЛМӨЧИХСӨН НӨХӨР ОДОО ДАХИАД ЭНЭ САЛБАРЫН САЙД БОЛЖ БНА, ӨМНӨХ ЭМ-ийн САЙДУУДААС ЭНХБОЛД НЬ ХАМААГҮЙ САЙН АЖИЛЛАЖ БАЙСАН, ТҮҮНИЙГ СОЛИХ ЯМАР ШАЛТГААН БАЙСАН ЮМ БОЛОО..
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
