ХХААХҮ-ийн сайд Х.Болорчулууныг ашиг сонирхлын зөрчилтэй гэх баримтуудыг иргэн О.Цэрэнтогтох өнөөдөр /2022.01.09/ АТГ-т хүргүүлж буй талаараа мэдээлэл өглөө.
Тэрбээр "Сүүлийн өдрүүдэд мэдээллийн сайтуудад тавигдсан Х.Болорчулуунтай холбоотой мэдээллүүдийг шүүж, шаардлагатай баримтуудыг цуглууллаа. Тухайлбал,
Дорнод аймгаас сонгогдсон УИХ-ын гишүүн, ХХААХҮ-ийн сайд Х.Болорчулуун нь Дорнод бүсийн эрчим хүчний станцтай салшгүй холбоотой гэдэг нь баримтуудаар нотлогдож байна. Өнгөрсөн арваннэгдүгээр сарын 14-нд Ergelt.mn сайтад нийтлэгдсэн мэдээллийг та бүхэн харсан байх. Өөрөөр хэлбэл, Дорнод бүсийн эрчим хүчний станцын дарга нь Х.Болорчулуунтай худ ургийн хамаарал бүхий н.Отгонбаатар гэж хүн байсан.
2018 оноос хойш нийт 18 тендерийг өөрийн төрсөн дүү болон бусад хамаарал бүхий хүнээрээ дамжуулж авсан байна. Зээ дүүгийнх нь төрсөн дүүгийн нэр дээрх компани гэхэд 2021 онд барилгын тусгай зөвшөөрөл авч, Эрчим хүчний станцад бараа нийлүүлэх тусгай зөвшөөрлийг 2022 онд авсан байгаа юм.
Түүнчлэн, сүүлийн 2 жилд найман тендерийг авсан гэх мэдээлэл цацагдаж байна. Мөн төрсөн дүүгээ "Эрдэнэс Тавантолгой" компанийн ТУЗ-д багтаасан нь сүүлийн үед яригдаж буй нүүрсний хулгайн хэрэгтэй холбоотой байх магадлалтай гэх албан шаардлагыг АТГ-т хүргүүлж байна.
Мөн "Х.Болорчулуун нь "Дорнод гурил" ХХК-ийг эзэмшдэгийг хүн бүр мэддэг болсон. Сайдаар томилогдсоных нь дараа гурилын үнэ 50 хувиар нэмэгдсэн нь ашиг сонирхлын зөрчилтэй байж магадгүй гэх хардлагыг төрүүлж байна" хэмээн онцоллоо.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
