Жил бүр дэлхийн улс орнуудын гадаад паспортын чансааг тодорхойлдог "Henley Global" байгууллага 2023 оны жагсаалтаа өчигдөр /2022.01.10/ танилцуулжээ.
Жагсаалтыг гаргахдаа IATA (International Air Transport Associaton) байгууллагын тоо баримтыг ашигладаг бөгөөд НҮБ-ын гишүүн 193 улсаас гадна Тайвань, Макао, Хонг-Конг, Косово, Палестин, Ватикан гэсэн зургаан бүс нутаг, нийт 199 чиглэлийн хэдэд визгүй зорчих боломжтойгоор нь үнэлдэг.
Энэ оны жагсаалтыг 193 чиглэлд визгүй зорчих эрхтэй Япон улсын паспорт тэргүүлжээ. Дараа нь тус бүр 192 чиглэлд визгүй аялдаг Сингапур, Өмнөд Солонгосын паспорт жагссан байна. Харин 190 улс, бүс нутагт визгүй зорчдог Герман, Испани, 189 оронд визгүй зорчих Финланд, Италийн паспортууд удаалав.
Тавдугаар байрыг Австри, Дани, Нидерланд, Шведийн паспорт эзэлсэн бол зургадугаарт Франц, Ирланд, Португал, Их Британи жагсжээ.
Харин дэлхийн 27 улс, бүс нутагт визгүй зорчих эрхтэй Афганистаны паспорт жагсаалтын сүүлийг энэ жил дахин мушгисан байна.
Монгол Улсын гадаад паспорт нь 62 чиглэлд визгүй, 165 чиглэлд визтэй зорчдог үзүүлэлтээр 82 дугаарт эрэмбэлэгджээ. Энэ чансаа 2021 онд 87, 2022 онд 85 дугаарт эрэмбэлэгдсэн аж. Дээд үзүүлэлт нь 2006 онд 72 дугаарт жагсаж байжээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
