Улаанбаатар хот, нэгдүгээр сарын 16 – Боловсрол, шинжлэх ухааны яам, НҮБ-ын Хүүхдийн Сан хамтран Люксембург сангийн дэмжлэгээр “Цахим аялал” төслийг хоёр дахь жилдээ амжилттай хэрэгжүүлж байна.
КОВИД-19 цар тахлын улмаас сургууль, цэцэрлэг хаагдах үеэр теле хичээлийн талаар судалгаа хийж хүүхдүүдэд гэрээсээ сурахад үүсэж буй хүндрэл мөн хэрэгцээ, шаардлагыг тодорхойлсон юм. Судалгааны үр дүнд хүүхдийн оролцоог хангасан, харилцан үйлдэлтэй, мультимедиа элементүүдээр баялаг, тоглоом хэлбэрт оруулсан тийм контентыг хүүхдүүд хүсэж байгаа нь гарч ирсэн.
Иймд НҮБ-ын Хүүхдийн Сан хүүхдүүдийн хичээлээр үзсэн онолын мэдлэгийг баталгаажуулах зорилготой анхны интерактив контент боловсруулах ажлыг 2020 оны намар НҮБ-ын Боловсрол, Шинжлэх ухаан, Соёлын Байгууллага (ЮНЕСКО), НҮБ-ын Хүн Амын Сантай хамтран удирдаж, “Цахим Аялал” нэртэй нийт 104 ширхэг интерактив контентыг “Монгол Контент” ХХК-тай хамтран бүтээж, medle.mn сайт дээр байршуулан хүлээлгэн өгсөн.Төслийн 2 дахь шатыг “Марчаахай” ХХК болон гар утасны тоглоом бүтээгч “Номадик Бэйр Гэймс” ХХК-тай хамтран 11 сарын турш хэрэгжүүлж дуусаад байна.
Энэ төслийн хүрээнд сургуулийн өмнөх болон бага боловсролын сурагчдын сурлага, хөгжлийг дэмжих 150-160 төрлийн тоглоомыг багтаасан 60 шинэ интерактив контент боловсруулахаас гадна анх удаа боловсролын салбарт бүрэн хэмжээний гар утасны “Nomadic Adventure” тоглоомыг бүтээлээ. Өнөөдрийн байдлаар зөвөн Андройд гар утсан дээр 5000 гаруй удаа татан авалт хийгджээ.
“Бид тоглоомын арга зүйг ашиглан Монгол ёс заншил, ахуй амьдрал, уламжлалт баяр, язгуур урлаг, газар зүйн онцлог, ан амьтдын талаарх суурь мэдлэгийг хүүхэд багачуудад түгээх ялангуяа хилийн чанадад байгаа Монгол хүүхдүүдэд өв соёлоо мэдэж, хадгалж яваасай гэсэн зорилготой бүтээсэн юм” гэж Монгол дахь НҮБ-ын Хүүхдийн Сангийн Боловсролын цахим шилжилт хариуцсан мэргэжилтэн Б.Мөнххүж хэлэв.
Нүүдэлчин соёлыг сурталчлах “Nomadic Adventure” гар утасны тоглоомыг Playstore болон Appstore-с нээлттэй татан авах боломжтой бөгөөд хичээлүүдийг medle.mn сайтаас үнэ төлбөргүй үзэх боломжтой юм.
“Цахим аялал” видео:
https://youtu.be/AKZis6IpkcY
Дэлгэрэнгүй мэдээллийг дараах хаягаас авна уу:
Д.Ариунзаяа
Мэдээлэл, харилцааны мэргэжилтэн
Гар утас: +976 9911 2652
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
