С.Зориг агсны хөшөөний дэргэдэх Ардчилсан Нам(АН)-ын байранд тус намын төлөөлөл Монголчуудын боломжийг хулгайлсан авлигач, нүүрсний хулгайчдын улсад учруулсан хохирлын талаар өнөөдөр мэдээлэл өглөө.
Ерөнхий нарийн бичгийн дарга : "Авлигатай Тэмцэх Газар(АТГ)-аас өгсөн мэдээллээс үзэхэд 2022 онд Монгол Улсын жилийн төсвийн дөрөвний нэгтэй тэнцэх хэмжээний хохирлыг улсад учруулжээ.
Тодруулбал, 2022 оны манай улсын төсөв 18.7 их наяд төгрөг байсан бол авлигын гэмт хэргээс болж улсад учруулсан хохирлын хэмжээ таван их наяд төгрөгт хүрчээ. Хэдийгээр АТГ-т маш их хохирол учруулсан гэх тоон утгууд гарч ирдэг ч шүүхээр эцэслэгдэн шийдэгдэж байгаа албан тушаалтны хэрэг байхгүй. Тиймээс АТГ-ыг улс төрийн намууд, иргэд, төрийн бус байгууллагуудын хяналт дор ажиллуулах шаардлагатай. Хэрвээ 44 их наяд төгрөгийн хохирлыг улсад эргэн төлүүлж, Монгол Улсын иргэн бүрд хуваарилах юм бол нэг хүнд 13 сая төгрөг ногдох юм. Авлигатай тэмцэх үйл хэрэгт нийт иргэнийг идэвхтэй оролцохыг уриалах гэсэн юм.
АН-ын удирдлагын түвшний энэ асуудал нийгэмд байтугай нийт гишүүнд ойлгомжгүй байдал бий болгож байгаа. Өнөөдөр хулгай их гарч, төсвийн мөнгөөр гараа угааж байгаа байдал АН-ын арчаагүйтэй холбоотой. Зарим гэмт хэрэгт АН-ын гишүүд холбогдсон байхыг үгүйсгэхгүй. Тэр хэргээрээ барьцаалагдаад АН-ыг сөрөг хүчин байлгахгүй, эрх баригчдын гар хөлөөр намыг хагалан бутаргадаг.
Өнөөдөр болж байгаа дур зоргоороо үйл явдалд хэлэх үг алга. Тайлбарлаж ч чадахгүй. Гэхдээ манай нам хэзээ нэгэн цагт эвлэлдэж нэгдээд сөрөг хүчнийхээ байр суурьт очихгүй бол эрх баригчид даварсаар байх болно. Миний хувьд намын эв нэгдлийн төлөө байгаа" гэв.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
