Уушгины зургаа тэвэрсээр эмнэлгийн тусламж авч чадалгүй гудамжинд нас барсан иргэний үхэл зарим нэг эрхмүүдийн албан тушаал АХИХ үндэс болжээ. Нийслэлийн эрүүл мэндийн газрын дарга Б.Бямбадорж нас барсан иргэнийг “ҮХЭХ БОЛЗЛОО ХАНГАСАН БАЙСАН” гэх утгатай мэдэгдэлд хийж уснаас хуурай гарах гэж оролдов.
Гэхдээ үйлчлүүлэгчийн амь нас хохирсон ноцтой зөрчил гаргахад хяналт тавьж, ажлаа хийгээгүй гэж халагдсан хүнийг албан тушаал ахиулж, сэтэр зүүлгэж орхилоо.
Долдугаар сарын 3-ны өдөр түргэн тусламжийн их эмч Б.Энхжаргал нь үйлчлүүлэгч Д.Рагчаадоржийн дуудлагаар очсон ч түүнд түргэн тусламжийн үйлчилгээг үзүүлээгүй орхиж явсан. Эмч гэхэд энэрэх сэтгэлгүй хүмүүсээс болж нэгэн Монгол иргэн гудамжинд амь тавилаа. Ийм хариуцлагагүй бөгөөд харгис үйлдэлд эмч нарын үйл ажиллагаанд тогтмол хяналт тавьж, арга хэмжээ авдаг албан тушаалтнууд ч мөн хариуцлага хүлээх ёстой.
Нийслэлийн түргэн тусламжийн төв буюу “103” -ын эмчилгээ эрхэлсэн орлогч дарга С.Ариунболд нь ажлын байрны тодорхойлолтод заасан эмч нарын ажлын гүйцэтгэлд байнга хяналт тавиагүй, эмнэлэг үйлчилгээний гомдол гаргахгүй ажиллах үүргээ биелүүлээгүйн улмаас үйлчлүүлэгчийн амь нас хохирсон ноцтой зөрчил гаргасан тул долдугаар сарын 5-ны өдөр ажлаасаа чөлөөлөгджээ.
Гэтэл чөлөөлөгдсөн даруйдаа “НЭГДҮГЭЭР” хүнээр томилогдож албан тушаал ахив. Тодруулбал, Нийслэлийн эрүүл мэндийн газрын дарга Б.Бямбадорж халагдаж, хариуцлага хүлээсэн этгээдийг тушаал ахиулан Нийслэлийн түргэн тусламжийн төвийн даргаар томилсон байх юм. Эрдэнэт хүний амь насыг хохирооход мэргэжлийн хариуцлага алдсан хүн хариуцлага хүлээх бус харин ч албан тушаал ахидаг “ЁС” хаана байдаг вэ?
Сүүлийн хэд хоног тогтмол архи уусан, тийм ч учраас энэ хүн “ҮХЭХ БОЛЗОЛ”-оо хангасан байсан гэх ШИВШИГТЭЙ тайлбар хийсэн Б.Бямбадорж нь алдааг албан тушаалаар солидог нэгэн бололтой юм.
Нийслэлийн түргэн тусламжийн төвийн даргаар томилогдсон С.Ариунболд нь 80 000 ам.доллар завшсан байж болзошгүй гэх үндэслэлээр эрүүгийн хэргээр шалгагдаж байсан. Түүнчлэн шарилаар бизнес хийдэг тухай баримтууд хэвлэлд нийтлэгджээ. Баримт-1 үзэх бол энд дарна уу! Баримт 2 үзэх бол энд дарна уу!
Ийм хүнийг ахиулан дэвшүүлсэн Нийслэлийн Эрүүл мэндийн газрын дарга Б.Бямбадорж та өөрөө “АЖЛАА ӨГӨХ БОЛЗОЛ”-оо хангачихлаа. Б.Бямбадорж шиг ийм увайгүй хүн хотын эрүүл мэндийн салбарыг удирддаг гэхээр энэ салбар “туйлдах”-аас яахав? Танд ёсзүй гэж байдаг бол ХАРИУЦЛАГА ХҮЛЭЭНЭ ҮҮ?
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
