Турк, Сирийн хилийн бүс нутагт болсон хүчтэй газар хөдлөлтийн улмаас амиа алдсан иргэдийн тоо 5000-ыг даваад байна.
Даваа гарагт олимпын аварга Таха Акгуль "30-40 бөх амьдарч байсан Кахраманмараш мужийн Спортын ордон бүрэн нурж, тамирчид барилгын нурангид дарагдсан" хэмээн мэдээлж байв. Тэд чөлөөт бөхийн олон улсын тэмцээнд оролцож байсан бөгөөд Франц, Косово, Узбекистаны бөхчүүдийг аюулгүй газарт хүргэж чадсан ч Туркийн долоон бөх амиа алджээ.
Туркийн бөхийн холбооноос “Нурангид дарагдсан бөхчүүдийг хайх, аврах ажиллагаа үргэлжилсээр байна. Одоогийн байдлаар найман бөхийн амийг аварлаа” хэмээн мэдэгдсэн байна.
Дэлхийн бөхийн нэгдсэн холбооны тэргүүн Ненад Лалович “Газар хөдлөлт маш олон хүний амь насыг хохироосныг сонсоход аймшигтай байна. Тэдгээрийн дунд манай долоон бөх багтсаныг сонсоод сэтгэл өвдлөө. Би тэдний гэр бүлийн төлөө залбирч, Турк, Сирийн ард түмэнд энэ хүнд хэцүү үед нь туслах болно” гэж сэтгүүлчдэд мэдээлжээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
