Хаврын тариалалт болон үр тарианы үнийн талаар ХХААХҮ-ийн сайд Х.Болорчулуун мэдээлэл өгсөн юм.
Тэрбээр "Хаврын тариалалтын буудайны үнийг 30, ногооны үрийг 80 хувиар хөнгөлөх шийдвэр гарлаа. Гурван жилийн өмнө манай улс хүнсний ногоогоо тариалаад, дотоодын хэрэгцээгээ 40 гаруй хувиар хангаж байсан бол өнгөрсөн онд 73 хувиар хангасан. Цаашид хоёр жилийн хугацаанд хүнсний ногооны хэрэгцээг дотоодоосоо 100 хувь хангадаг болно" гэв.
Түүнчлэн, нийт үхэр сүргийг ээмэгжүүлэхээр болжээ. 2018 онд удмын сангийн тухай хууль батлагдахад ээмэгжүүлэх, бүртгэлжүүлэх, цахимжуулах заалт тусгагдсан ч цар тахлын нөхцөлөөс шалтгаалаад хэрэгжээгүй байна.
Мөн "Энэ хавар гэхэд 5.5 сая үхрээ ээмэгжүүлнэ. Ингэснээр аль аймаг, сумаас ирсэн малын мах нь тодорхой болно. Ээмэгжүүлэх ажлыг үхрийг вакцинжуулах үеэр зэрэг хийнэ" хэмээн хэллээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
