"Хотыг гоё болгох нэрээр 1000 гаруй иргэний амьдралын эх үүсвэрийг устгах гэж байна"

Нийслэл

Нийгэм

"Хотыг гоё болгох нэрээр 1000 гаруй иргэний амьдралын эх үүсвэрийг устгах гэж байна"

Админ

2023-02-14

Өнөөдөр /2023.02.14/ "ТҮЦ-ээр амь зуугчдын холбоо" ТББ-аас мэдээлэл хийж, шаардлага хүргүүллээ.

Баянгол дүүргийн Засаг даргын А-35 захирамжийн дагуу энэ сарын 14, 16-нд төв зам дагуу ТҮЦ-үүдийг нүүлгэн шилжүүлэхээр болжээ. Үүнтэй холбоотойгоор тэд дараах шаардлагыг хүргүүлж байгаа аж.

ТҮЦ-ээр амьдралаа залгуулж буй бид өнгөрсөн хугацаанд Төр Засгаас юу ч гуйлгүй өөрсдөдөө ажлын байр бий болгож, амьдралынхаа төлөө зүтгэж байгаа. Гэвч Засаг солигдох бүрт биднийг ялгаварлан гадуурхаж, басамжлан тохуурхаж байгаад гомдолтой байна. Түүнчлэн, хотыг гоё болгох нэрээр 1000 гаруй иргэний амьдралын эх үүсвэрийг устгах гэж буйг эсэргүүцэж тэмцэх болно.
Баянгол дүүргийн Засаг даргын А-35 захирамжинд гомдол гарган шүүхэд нэхэмжлэл гаргах болсноо илэрхийлж байна. Дээрх захирамжийг гаргахдаа биднийг оролцуулаагүй, хэт нэг талыг барьсан шийдвэр гаргасанд гомдолтой байгаа.
2023 оныг "Хөдөлмөр эрхлэлтийг дэмжих жил" болгож зарласан атлаа хэсэг хүмүүсийг "ЯДУУРАЛ" руу түлхэж байгаа нь ам, ажил нь зөрж буйн нэг жишээ болж буйг илчилж байна.
МАН-аас нэр дэвшин ялалт байгуулсан эрхэм Ерөнхийлөгч У.Хүрэлсүх "ТҮЦ-ээр амь зуугчдын холбоо"-той хамтран ажиллах санамж бичгээ эргэн нэг харж, бидний асуудалд анхаарлаа хандуулахыг хүсэж байна.
ТҮЦ-т хүч чадлаа үзүүлдэг Төр Засаг, хотын удирдлагууд, "НҮҮРСНИЙ" хулгайчид, Зайсангийн хууль бус газар эзэмшигчидтэйгээ тэмцэхийг шаардаж байна.
Бидний эрхийг ноцтой зөрчсөн шийдвэрээ цуцлахгүй бол 2023 оны хоёрдугаар сарын 21 буюу шинийн 1-нд Д.Сүхбаатарын талбайд "БИДЭНД БАЯРЛАХ ШАЛТГААН АЛГА" эсэргүүцлийн арга хэмжээг зохион байгуулахаа мэдэгдэж байна. Монголын минь ёс учраас төв талбайд идээгээ засаж, золголтоо хийж амьдрах болно.

Тэд дээрх шаардлагыг хүлээж аваагүй тохиолдолд тэмцлийн дараагийн шатанд шилжинэ гэдгээ мэдэгдсэн юм.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

"Хотыг гоё болгох нэрээр 1000 гаруй иргэний амьдралын эх үүсвэрийг устгах гэж байна"

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд