Японы Нагоя хотын “Долфинс” ордонд болж буй мэргэжлийн сумо бөхийн Нагоя башёгийн 10 дахь өдөр 69 дэх Их аварга Хакүхо М.Даваажаргал, Комүсүби Вакатакакаге-тай барилдаж, түүнийг ёритаоши мэхээр хаяж, 11 даваатай башёг тэргүүлсээр байна.
Маргааш Их аварга Хакүхо, Сэкиваке Митакэүми-тэй учраа таарсан байна. Харин Озэки Тэрүнофүжи Г.Ган-Эрдэнэ энэ өдөр Сэкиваке Митакэүми-тэй учраа таарч, түүнийг ёрикири мэхээр төвөггүй давж 11 дахь даваагаа авч Их аваргын адил 11 даваатай башёг тэргүүлсээр байна. Тэрбээр маргааш Комүсүби Мэйсей-тэй барилдана.
Ичиножёо /М-2/ А.Ичинноров, энэ өдөр Таконошо /М-2/-той учраа тааран барилдаж, түүнийг ошидаши мэхээр давснаар 8 даваа, 3 унаатай боллоо. Энэ өдөр, Тобизарюү /М-3/-тэй таарч, түүнийг ошидаши мэхээр унагаж 7 даваа, 3 унаатай башёг үргэлжлүүлж явна.
Харин Кирибаяама /М-6/ Б.Лхагвасүрэн, Ура /М-13/-тэй учраа тааран барилдаж түүнд сүкүинаге мэхээр унаж 7 даваа, 4 унаатай яваа бол, энэ өдөр Чёошома /М-7/ Г.Мөнхсайхан, Кагаяаки /М-12/-тэй таарч, түүнийг сүкүинаге мэхээр унагаж 7 даваа, 4 унаатай болов.
Энэ өдөр Тамаваши /М-10/ Б.Мөнх-Оргил, Ичияамамото /М-17/-тэй барилдаж, түүнийг ошидаши мэхээр унагаснаар 8 даваа, 3 унаатай болов.
Озэки Шодай, энэ өдөр Хошёорюү С.Бямбасүрэн /М-5/ -тэй барилдаж, түүнд ёритаоши мэхээр унаж, 6 даваа, 5 унаатай болсон бол Хошёорюү гачигоши хийж 8 даваа,3 унаатай боллоо.
Д.Өлзийсайхан
Эх сурвалж: "Монцамэ" агентлаг
Like
1
Зөв
0
0
Буруу
1
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
